Таатталар «Манчаары оонньууларыгар» бэлэмнэнэллэр

Былырыын «Таатта» тыа хаһаайыстыбатын производственнай кэпэрэтиибэ улуус дьаһалтатын өйөбүлүнэн ас астыыр сыаҕар, тоҥ аһы харайар умуһаҕар уонна ититэр ситимигэр өрөмүөн ыыппыта.

Ол түмүгэр ититиигэ 20% экэниэмийэлээбиттэрэ бэлиэтэннэ. Улуус баһылыгын э.т. Руслан Захаров «Таатта» ТХПК саҥардыллыбыт эбийиэктэрин көрдө, тэрилтэ үлэтин-хамнаһын билистэ. Салайааччы кинилэр үлэлэрэ бу сайын ыытыллар «Манчаары оонньуулара» спартакиадаҕа ураты суолталааҕын бэлиэтээтэ уонна ыытар үлэлэрин тэтимин ыһыктыбаттарыгар ыҥырда.