Хаартыска: Вера Канаева.
Бу күннэргэ Таатта улууһун баһылыга Айаал Бурцев улуус дьаһалтатын салайааччыларын, Манчаары оонньууларыгар эппиэттээх хамыыһыйалары кытта эбийиэктэр тутууларын көрдө-иһиттэ.
Ипподромҥа үгүс үлэ ыытыллара былааннанар. Ол курдук, бэрэбинэни хатырыктааһыҥҥа, ыраастааһыҥҥа субуотунньук ыытыллыаҕа. Култуура уонна сынньалаҥ пааркатыгар 100-120 миэстэлээх олорон аһыыр анал сир тутуллар буолан, мантан чугас бөҕү сааһылаан уурар чөкө сир оҥоһуллуохтаах. Аммалыыр суол кытыытынан массыына тохтобула тутуллуоҕа.
Манчаары оонньууларыгар анаан тутулла турар эбийиэктэри кытта билсэн баран, салайааччылар тирээн турар боппуруостары быһаарсар мунньаҕы аны дьаһалтаҕа киирэн салгыы сиһилии мунньахтаатылар.
Тустаах хамыыһыйалар өрөспүүбүлүкэтээҕи таһымнаах, улахан суолталаах тэрээһин үбүлээһинин хайысхаларынан ырыттылар, дьону аһатар, түһэрэр сирдэргэ иһэр уунан хааччыйыыны, субуотунньуктары тэрийии, ыраастааһын үлэтин, култуурунай тэрээһин уо.д.а. боппуруостарын дьүүллэстилэр. Бу туһунан улуустааҕы дьаһалта телеграм-ханаала сырдатта.
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.