Таатталар Манчаары оонньууларыгар бэлэмнэнэн субуотунньуктаатылар

Бүгүн, ыам ыйын 27 күнүгэр, Таатта улууһун Ытык Күөлүгэр Федор Охлопков аатынан култуура уонна сынньалаҥ пааркатыгар бу сайын ыытыллыахтаах Манчаары оонньууларын кыттыылаахтарын уонна ыалдьыттарын аһатарга анаан оҥоһуллар  былаһааккалар тутуллуохтаах сирдэригэр субуотунньук буолла. 

«Техресурс» тэрилтэ аҕалбыт кумаҕын тарҕатыыга баһаарынай чаас, ОДьКХ Тааттатааҕы филиалын,  Тааттатааҕы нэһилиэнньэ социальнай көмүскэлин киинин, улуус тутууга салаатын эр дьоно күргүөмнээхтик турунан үлэлээтилэр. Дэхсилэммит кумах үрдүгэр бу күннэргэ бетон кутуллан, ол үрдүгэр ас атыылыыр анал атыы-эргиэн дьоҕус тутуулара оҥоһуллуохтара.

Манчаары оонньууларын ыытар суолталаах тэрээһин бэлэмигэр улуус олохтоохторо бары үлэҕэ көхтөөхтүк кытталлар. Бу туһунан сиһилии https://t.me/mrtatta/5470 сигэнэн киирэн ааҕыҥ.