Манна чулуу спортсменнар кэлэн күрэхтэһиэхтэрэ
Тааттаҕа «Манчаары оонньууларын» көрсө бэлэмнэнии үлэлэр хайдах баран иһэллэрий?
Күөйэ түһэн эттэххэ, оонньуулары ыытарга сүрүн тутууларынан “Дьулуруйар Ньургун Боотур” стадион, Алексей Егорович Турнин аатынан успуорт дыбарыаһа, Авксентий Егорович Мординов аатынан Таатта лиссиэйэ буолаллар. Манна даҕатан бэлиэтээтэххэ, лиссиэй ахсынньыга үлэҕэ киирбитэ. Онтон күрэс ыытыллар уораҕайа — успуорт дыбарыаһа уонна стадион бу ыйга олоччу түмүктэниэхтээхтэр.
Бу тыһыынчанан киһи олорон көрөр стадионугар сүүрүүгэ, атах оонньууларыгар, многоборье сорох көрүҥнэригэр, хапсаҕайга, мас тардыһыытыгар бастыҥ спортсменнар түмсэн илин-кэлин түсүһүөхтэрэ, күрэхтэһиэхтэрэ.
СӨ физическэй култууратын уонна успуордун миниистирэ Леонид Спиридонов хамыыһыйалар бу далааһыннаах тэрээһини көрсө үлэ-хамнас хаамыытын өссө төгүл көрө-истэ сылдьалларын, бэрэбиэркэлииллэрин эттэ.
—Таатталар турунан бэлэмнэнэ сылдьаллар, күн бүгүн субуотунньуктар буола тураллар. Спортивнай тэрээһиннэр буолар сирдэрин, ыалдьыттар олоруохтаах дьиэлэрин-уоттарын көрөбүт-истэбит. Эбийиэктэр бүгүҥҥү туругунан 95% бэлэмнэр. Бу ый бүтүүтүгэр туттарыллыахтаахтар, — диэн бэлиэтиир.
Салгыы Тааттатааҕы норуот айымньытын дьиэтин салайааччы Гаврил Вырдылин стадиоҥҥа күрэхтэһиилэри сэргэ, култуура тэрээһиннэрэ тиһиктээхтик салҕанан ыытыллыахтаахтарын этэр. Ону сэргэ, бу иннинээҕи суруйууларбар бэлиэтээн аһарбытым курдук, быйылгы күрэхтэһиигэ көрөөччүлэргэ кытта араас күөн күрэстэр ыытыллыахтара диэн этэр. Сиһилии манна көрүҥ:
Бүгүн Чурапчы улууһун Мындаҕаайы нэһилиэгэр үөрүүлээх быһыыга-майгыга оҕолор сайыҥҥы сынньалаҥнарын «Кустук» лааҕыра аһылынна. Бу туһунан…
Бэс ыйын 18 күнүгэр Саха сиринээҕи Быыбар киин хамыыһыйата муниципальнай быыбардары анааһына салҕанар. Быыбар киин…
Манчаары оонньууларыгар таатталар эппиэтинэстээхтик бэлэмнэнэн, араас хайысхалаах үлэни көхтөөхтүк ыыталлар. Улуустааҕы дьаһалта пресс-сулууспата иһитиннэрбитинэн, улуус…
Санкт-Петербург куоракка норуоттар икки ардыларынааҕы экэнэмиичэскэй пуорум чэрчитинэн Саха сиригэр автономнай (гибриднэй) энергетическай комплекстары оҥорон…
Бырабыыталыстыба бэрэссэдээтэлин бастакы солбуйааччы Дьулустаан Борисов Уһук Илин федеральнай уокуругар киирэр эрэгийиэннэр экэнэмиичэскэй кииннэрин социальнай…
2027 сылга Дьокуускайга дойду Бэрэсидьиэнэ Владимир Путин сорудаҕынан элбэх өҥөнү оҥорор киинэ павильона арыллыаҕа. Сүрүн…