Хаартыска: ааптар тиксэриитэ
Бүгүн, саха араадьыйатын күнүгэр, сэтинньи 7 күнүгэр, саха талааннаах суруналыыһа Анастасия Александровна Морхоева туһунан кинигэ сүрэхтэниитигэр сырыттыбыт.
Киин куорат Бэчээт дьиэтигэр «Сахамедиа» пресс-киинин саалатыгар биир идэлээхтэрэ, кини талааныгар сүгүрүйээччилэр кэлэн ирэ-хоро санааларын атастастылар. Кинигэни Анастасия Александровна бииргэ төрөөбүт балтылара хомуйан оҥордулар. Кинигэ уон салааттан турар, 376 страницалаах, халыҥ кинигэ бэчээттэммит.
Кинигэ сүрэхтэниитигэр биир идэлээхтэрэ Арассыыйа сурунаалыыстарын Сойууһун Саха сиринээҕи салаатын бэрэссэдээтэлин солбуйааччы Галина Бочкарева, саха араадьыйатын шеф-эрэдээктэрэ Альбина Тарабукина, «Саха сирэ» хаһыат суруналыыһа Иван Ксенофонтов, о.д.а. кытыннылар.
Анастасия Морхоева киһи быһыытынан айыылыы ыраас дууһалааҕын, хаһан да киһини куһаҕан өттүнэн көрбөтүн бэлиэтээтилэр. Төрөөбүт оройуонугар Таатта хас биирдии олохтооҕун ситиһиитин, кыайыытын суруйан, кэпсээн олоҕун сүрүн суолтата буолбута. Онон бу кинигэ барыбыт үөрүүбүт диэн бэлиэтээтилэр.
Анастасия Морхоева балта, кинигэни сүрүн хомуйааччыта Лариса Александровна кинигэни үбүлээбит тэрилтэлэргэ истиҥник махтанна.
Марта Николаева
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…