Хаартыска: Владимир Аржаков тиксэриитэ.
Бэҕэһээ, олунньу 5 күнүгэр, Дьокуускай куоракка ситиһиилээхтик айа-тута үлэлии олорор Таатта улууһуттан төрүттээх дьон көрсөн, төрөөбүт дойдуларыгар Манчаары оонньуулара ыытыллыытыгар бэйэлэрин дьоһуннаах көмөлөрүн оҥорорго сүбэлэстилэр.
«Быйыл улууспутугар ыытыллыахтаах, Саха успуордун төрүт көрүҥнэригэр Манчаары оонньууларын тэрийиигэ биир санаанан турунан, таатталар, бары күүһү ууран үлэлиэҕиҥ» диэн ааттаах-суоллаах биир дойдулаахтар ыҥырыы таһаардылар.
Манчаары оонньууларын тэрийиигэ туһуламмыт былааннары олоххо киллэрэргэ тэриллибит Таатта улууһун пуондатыгар Андрей Джурович Данилов («Сэттэ» тутуу тэрилтэтэ) 1 000 000 солкуобай, Айаал Григорьевич Макаров, Спартак Иванович Петров («Мясной двор» тэрилтэ) 1 000 000 солкуобай, Валерий Георгиевич Малышев («Дороги Саха» тутуу тэрилтэтэ) 1 000 000 солкуобай, Юрий Николаевич Большаков («Учур» тэрилтэ) 1 000 000 солкуобай уонна Андрей Герасимович Варламов («Зодиак» тэрилтэ) 500 000 солкуобай харчынан көмө оҥордулар.
— Дьокуускай куоракка үлэлии-хамныы сылдьар уолаттарбытын биһиги көтөхпүт бачыыммытын, тапталлаах Тааттабыт туһугар диэн санаанан салайтаран өйүөхтэрэ диэн эрэнэн туран анаан ыҥырабыт. Маны тэҥэ, Таатта уонна Чурапчы улуустарын быысаһыытыгар турар кыраныыссабыт бэлиэтин саҥардыыга Александр Александрович Ханин, Николай Иннокентьевич Акимов, Сергей Сергеевич Игнатьев, Сергей Афанасьевич Варламов эрдэттэн өйүүллэрин биллэрбиттэрэ. Юрий Агитович Дарбасов, Сергей Иванович Софронов, Вячеслав Васильевич Яроев улууспут туһугар диэн кэскиллээх санаанан салайтаран ыытыллар тэрээһин үлэлэргэ сүҥкэн көмөнү-өйөбүлү оҥорон үлэлэһэн эрэллэрэ барыбытын үөрдэр. Бу маннык түмсүүлээх үлэнэн, биир бигэ санаанан туруннахпытына, түмүстэхпитинэ кыайыылаах буолуохпут, — диэн Таатта улууһуттан төрүттээх биир дойдулаахтар эрэл санаанан салайталларын биллэрдилэр.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…