Хаартыска: Андрей Сорокин / СИА.
Ил Дархан Айсен Николаев «Саха сирэ, иннин диэки!» биэриигэ «Якутия 24» , «Саха» НКИХ уонна «Тэтим» ханаалларыгар кулун тутар ый түмүгүн таһаарар биэриигэ кыттыыны ылла.
«2017 сылтан ыла табаһыттар сийиэстэрэ ыытылла илик. Быйыл төһө да ыарахаттар баалларын үрдүнэн, Дьокуускайга өрөспүүбүлүкэ таба иитэр улуустара кыттыылаах, култуурунай-спортивнай бырагыраамалаах үрдүк таһымнаах сийиэһи ыытарга быһаарбыппыт. Сайсары күөлгэ сырыттахпына, үгүс табаһыттар кинилэргэ маннык тэрээһин ыытыллара олус наадалааҕын бэлитээбиттэрэ. Бу уустук идэлээх дьон күн бүгүн таба ахсаанын элбэтэр соруктаах үлэлииллэр», — диэн бэлиэтээтэ Айсен Николаев.
Баһылык табаһыттар оҕолоро сайылыыр кэмнэригэр көһө сылдьар ыстаадаларга уонна төттөрү оройуон кииннэригэр көтөн кэлиилэригэр авиациянан тиэйиини үбүлүүргэ, ону тэҥэ адьырҕа кыыл ахсаанын бэрээдэктээһин, идэһэлиир пууннары тутуу, бородууксуйаны переработкалааһын, онтон да атын боппуруостары туруорсубуттарын эттэ. «Быйыл таба иитиитин өйөбүлүгэр бүддьүөттэн 1,35 млрд тахса солкуобай көрүллүбүт. Бу былырыыҥҥы таһымтан 20% элбэх. Таба төбөтүгэр тиксэр субсидия индексацията көрүлүннэ уонна араас хайысхаларынан өйөбүл көрүллэр. Ааспыт сылларга өйөбүл дьаһалларын олоххо киллэрии үчүгэй түмүктэри аҕалла. Бу сүнньүнэн салгыы үлэлиэхпит. Сорук үгүс, ону быһаарыахпыт», — диэн Ил Дархан тоһоҕолоон эттэ.
Саха сиригэр таба иитиитигэр 900 табаһыты, 185 көһө сылдьар ыаллары уонна 100 чуум үлэһитин холбоон, биир тыһыынчаттан тахса киһи үлэлиир. 2020 сылтан таба ахсаана 6,5% улаатан, 2025 сыл саҥатыгар 162 тыһыынча кэриҥэ төбө баар. 2020-2024 сылларга салааны өйүүргэ өрөспүүбүлүкэ бүддьүөтүттэн 5 млрд. солкуобайдаах “Эдэр табаһыт” бырагырааманан 65 эдэр табаһыт олорор усулуобуйаларын тупсарда. 2024 сылтан төлөбүр кээмэйэ 1 мөлүйүөн солкуобайтан 2 мөлүйүөҥҥэ диэри улаатта.
Таба ахсаанынан Саха сирэ дойду эрэгийиэннэрин ортотугар үһүс миэстэҕэ сылдьар. Таба иитиитинэн өрөспүүбүлүкэҕэ 20 улуус дьарыктанар. Тыа хаһаайыстыбатын 106 тэрилтэтэ уонна табаны иитиитинэн дьарыктанар хаһаайыстыбалар бааллар.
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Өспөххө "Кубок знатоков наслега" бырайыак быйылгы оонньуута түмүктэннэ. Бу күн түөртүү киһилээх 6 хамаанда бары…
Аҕа дойду уоттаах сэриитин бэтэрээнин, Саха сирин Бочуоттаах олохтооҕун, 101 саастаах Наум Трифонович Слепцову кэлэн…