Табаарыһын оҕотун куттаабыт уонна халаабыт

ИДьМ Дьокуускайдааҕы 3№-дээх дьуһуурунай чааһыгар дьахтартан үҥсүү киирбит.

Ол курдук кини дьиэтигэр уоруу тахсыбыт. Суһал-көрдөөһүн үлэлэр түмүктэринэн холуобунай ирдэбил үлэһиттэрэ 52 саастаах Дьокуускай олохтооҕун туппуттар. Быһаарыллыбытынан, уорбаланааччы эмсэҕэлээбит ыал аҕаларын кытта билсэр эбит. Кини табаарыһыгар кэлбитэ, дьиэҕэ сааһын ситэ илик оҕо баар эбит. Оҕо аҕатын табаарыһын билэн дьиэҕэ киллэрбит. Уорбаланааччы дьиэҕэ улахан киһи суоҕун туһанан киирии ааҥҥа турар мөһөөччүгү уоран тахсыбыт. Ол мөһөөччүккэ дьахтар сайыҥҥы атаҕын таҥаһа баар эбит. Тахсаат мөһөөччүгү быраҕан баран, дьиэҕэ төттөрү киирбит. Эр киһи дьиэ иһин чүүччэйэн барбытыгар оҕо куттаммыт уонна ийэтигэр эрийбит. Онуоха ийэтэ оҕотугар дьиэттэн барарыгар сүбэлээбит уонна полицияны ыҥырбыт. Ити кэмҥэ эр киһи вентиляторы, көмпүүтэр колонкаларын уорбут.

ИДьМ пресс-сулууспата иһитиннэрбитинэн, РФ холуобунай кодексатын 158 ыст. «Уоруу» диэнинэн холуобунай дьыала тэриллибит.