Хаартыска уонна видео: Елена Потоцкая.
Бэҕэһээ, балаҕан ыйын 1 күнүгэр, өрөспүүбүлүкэ оскуолаларыгар араас ис хоһооннооох үөрүүлээх тэрээһиннэр буоллулар.
Дэлэҕэ да, бу дьоро күнү дьон «норуот бырааһынньыгынан» ааттыа дуо? Мэҥэ Хаҥалас улууһун Р.А.Бурнашов аатынан Табаҕа орто оскуолатыгар бэрт ураты суолталаах тэрээһин буолан ааста. Быйыл манна 99 оҕо үөрэнэр. Оскуолаҕа 24 учуутал үлэлиир.
Оскуола биир сүрүн уратыта — быйыл манна иккис сылын педагогическай кылаас аһыллан үлэлиир. Былырыын биэс оҕоттон икки выпускник уопсай үөрэхтээһин кыһатын үрүҥ көмүс мэтээлинэн бүтэрбит.
Саамай кэрэхсии көрбүт түгэним — оскуола боруогун аан бастаан атыллааччылар Бастакы чуорааннарын бэйэлэрэ тыаһатан киирдилэр. Бу туһунан репортааһы «Саха сирэ» сайт телеграмыгар сиһилии көрүҥ.
Өссө биир суолталаах түгэн — балаҕан ыйын 1 күнүгэр, өрөспүүбүлүкэҕэ суох холобуру оскуоланы 50 сыллааҕыта бүтэрбит 10 «А», 10 «Б» кылаастар выпускниктара көрдөрөн сөхтөрдүлэр. Бу кылааһы 1975 сыллаахха 42 оҕо бүтэрбит.
Кинилэртэн мас ууһунан биллэр Виталий Саввин үөрэппит учууталларыгар дириҥ махталын биллэрэн, «Учууталга махтал» диэн пааматынньыгы оҥорон бэлэхтээтэ! Дьэ, уус киһи чочуйан оҥорор да буолар эбит, доҕоттор! Маастар алын сүһүөх кылааһын учуутала Валентина Ивановна Левина уонна бу кылаас үөрэнээччитэ Табаҕа орто оскуолатын аан бастаан кыһыл көмүс мэтээлинэн бүтэрбит Вика Стручкова уобарастарынан сирэйдээн, «Учууталга махтал» диэн бэртээхэй бэлэҕи оҥордо. Билигин Виктория Андреевна Данилова невропатолог бырааһынан Дьокуускайга үлэлиир.
Дьэ, ити курдук, Мэҥэ Хаҥалас улууһун Р.А. Бурнашов аатынан Табаҕа орто оскуолатыгар киһи дууһатыгар үйэ тухары иҥэн хаалар бэртээхэй тэрээһин буолан ааста.
Аҕа дойду Улуу сэриитин кыттыылааҕа Егор Балбахов, анал байыаннай дьайыы кыттыылаахтара Айаал Балбахов, Валентин Кутейкин…
Соторутааҕыта Дьокуускай куорат маҕаһыыннарыгар саҥа, интэриэһинэй бородуукта баар буолла – эноки диэн ааттаах тэллэй. Азия…
СӨ Ил Дархана Айсен Николаев, РФ Оборуонатын миниистирин солбуйааччы Александр Санчигы кытта, РФ Сэбилэниилээх күүстэрин…
Саха сирин үтүөлээх этээччитэ Арыйаана Романовна Михайлова тэрийбит үбүлүөйдээх күрэҕэр Ньурба улууһуттан Маар орто оскуолатыттан…
Саха сирин, Тыва, Камчатка үөрэх кыһаларын бүтэрбит эдэр дьон үксүн үөрэммит эрэгийиэннэригэр олохсуйан үлэлии хаалаллар,…
Бүгүн, ахсынньы 5 күнүгэр, Дьокуускайдааҕы А.Е. Кулаковскай аатынан норуоттар доҕордоһууларын дьиэтигэр өрөспүүбүлүкэ норуоттарын национальнай култуураларын…