Сайаана Львова хаартыскаҕа түһэриитэ
Кэнники сылларга Дьокуускай куорат таһынааҕы Табаҕа тумуһугар сир учаастагынан атыылааһын туһунан биллэрии үгүстүк тахсар буолла. Онуоха Өлүөнэ күргэтэ чугаһа, кэлэр өттүгэр бу сир сыаната үрдүөҕэр сигэнэллэрэ баар суол. Бу күһүҥҥүттэн Саха сирин биллэр-көстөр дьоно, эстрада артыыстара онно сир ылбыттарын, өссө да сир элбэҕин, онон ыла охсоллоругар дьону угуйар угуйуктара билиҥҥэ диэри тахсар.
Бу күннэргэ Дьокуускай куорат баһылыга Евгений Григорьев муниципальнай бэрэбиэркэ управлениетыгар Табаҕа тумуһугар атыыга тахсыбыт сир учаастактарын бэрэбиэркэлииргэ сорудахтаата диэн «Эхо столицы» хаһыат телеграмм-ханаала иһитиннэрэр.
«Атыылааччылар ыйыллыбыт тыа хаһаайыстыбатын учаастактарын биирдиилээн дьиэ тутуутугар кубулуйуохтарын сөбүн туһунан аһаҕастык биллэрэллэр. Территориальнай былааннааһын докумуоннара олоххо киириэхтэригэр итиэннэ социальнай уонна да атын инфраструктуралар оҥоһуллуохтарыгар диэри көҥүллэммэт. Дьону итинник албынныыллар. Онон бу атыланар сир учаастактарыгар бэрэбиэркэни тута саҕалыыргытыгар көрдөһөбүн», — диэтэ Евгений Григорьев.
Санатан эттэххэ, Табаҕа тумуһугар сир учаастактарын атыылыыр дьону түөкүннээбиттэрин дуу, суоҕун дуу бэрэбиэркэлиэхтэрэ. Табаҕа тумуһугар сир ааспыт күһүн 300 тыһ. солк. саҕаланан, билигин 400-450 тыһ. солк. тиийдэ.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…