Табаҕаҕа баһаарга дьон өлбүтүнэн бэрэбиэркэ саҕаланна

Табаҕа бөһүөлэгэр баһаарга 63 саастаах эр киһи уонна 52 саастаах дьахтар өлбүттэринэн процессуальнай бэрэбиэркэ саҕаламмытын туһунан СӨ Силиэстийэлиир кэмитиэтэ иһитиннэрэр.

Силиэстийэлиир кэмитиэт информациятынан, өлүктэр эттэригэр-сииннэригэр криминальнай быһыылаах өлүү бэлиэлэрэ суохтар.

Силиэдэбэтэллэр быһылаан буолбут сирин көрөн баран, баһаар төрүөттэрин быһаарарга наадалаах биридимиэттэри ылбыттар. Ол түмүгүнэн быһаарыныы ылыныллыаҕа.

Баһаар Табаҕа бөһүөлэгин Дачнай уулуссатыгар ахсынньы 21 күнүгэр буолбута. Уот 60 кв.м. иэннээх кыбартыыраны сиэбит. Төрүөттэрэ, буруйдаахтар уонна хоромньу быһаарыллар.