Дьуһуурунай борокуруор: Табаҕаҕа эр киһи баанньыкка үгээрдээбит

Табаҕа сэлиэнньэтигэр 65 саастаах эр киһи баанньыгар үгээрдээбит. Кини балыыһаҕа киллэриллибит, бу туһунан тохсунньу 14 күнүгэр сарсыарда дьуһуурунай борокуруор иһитиннэрдэ.

Ону таһынан, СӨ борокуратууратын дааннайынан, өрөспүүбүлүкэҕэ суукка устата икки буруйу оҥоруу тахсыбытын туһунан иһитиннэрии бэлиэтэммит.

Дьокуускайга үрдүк үөрэх кыһатын устудьуон кыыһа суотабай сибээс операторынан кубулунан эрийбит түөкүҥҥэ 100 тыһыынчаттан тахса солкуобайын ыыппыт.

Маны таһынан, киин куоракка иккиһин итирик туруктаах уруулга олорбут суоппар тутулунна.