Табаҕаҕа саҥа таас дьиэ үлэҕэ киирдэ

Бүгүн, ахсынньы 23 күнүгэр, Мэҥэ Хаҥалас улууһугар Табаҕаҕа «Хаарбах туруктаах дьиэттэн дьону көһөрүү» бырагыраама чэрчитинэн тутуллубут үс мэндиэмэннээх 15 кыбартыыралаах тупсаҕай  таас  дьиэ үлэҕэ киирдэ. 

 Үөрүүлээх тэрээһиҥҥэ улуус баһылыга Дмитрий Тихонов кыттыыны ылла.

Табаҕа олохтоохторо Саҥа дьыл иннинэ дьиэлэрин күлүүһүн тутар туһунан ыра санаалара туоларыгар кыаҕы биэрбит бэдэрээччит Алексей Трофимов салайааччылаах  «Алгыс-строй» хааччахтаммыт эппиэтинэстээх тэрилтэҕэ махталлара муҥура суох.   Саҥа дьиэҕэ  нэһилиэккэ өр сылларга ыччаты иитиигэ олохторун анаабыт,  К.К.Байкалов аатынан сопхуоска үлэлээбит, ону тэҥэ норуот хаһаайыстыбатын  араас салааларыгар  үлэлиир олохтоох дьон киирдилэр.

Маны тэҥэ, анал байыаннай эпэрээссийэҕэ сылдьар дьон дьиэ кэргэттэрэ эмиэ бу сана дьиэ күлүүһүн туттулар.

Бу үөрүүлээх сонуну улуустааҕы дьаһалта пресс-сулууспата иһитиннэрдэ.