Хаартыска: Мария Васильева, ЯСИА
Булуҥ оройуонун суута 37 саастаах Эдьигээн оройуонун олохтооҕор бириигибэрин таһаарда. Эр киһи соруйан доруобуйаҕа ыарахан хоромньуну оҥорбутун, эмсэҕэлээччи өлүүтүгэр тиэрдибитин иһин буруйдааҕынан ааҕылынна. Бу туһунан СӨ Сууттарын пресс-сулууспата иһитиннэрэр.
Силиэдэбэтэллэр уонна суут быһаарбыттарынан, бу сыл олунньу 25-26 күннэригэр Эдьигээн оройуонун Сэмчээн диэн сиргэ сууттанааччы уонна эмсэҕэлээччи бииргэ арыгы испиттэр. Сотору кэминэн эр дьон ыккардыгар таҥаһы уонна булчут саатын уорбуттарын туһунан буруйдааһынтан сылтаан этиһии тахсыбыт. Арыгы содулугар буруйдаах эр киһи маһынан эмсэҕэлээччини төбөтүгэр иккитэ охсубут. Ылбыт эчэйиилэриттэн эр киһи тутатына тыына быстыбыт.
Суут мунньаҕар сууттанааччы буруйун сорҕотун билиммит, охсуһуу буолбутун бигэргэппит, ол гынан баран маһынан сынньыбытын мэлдьэспит. Кини эмсэҕэлээччи сиргэ сытар маска охтон түһэн охсуллубут буолуо диэн сабаҕалаабыт. Сууттанааччы эмсэҕэлээччилиин доҕордоһон, уһун кэмҥэ бииргэ табаһыттаабыттарын эмиэ бэлиэтээбит.
Суут бэриллибит дакаастабылларга олоҕуран уонна өрүттэр этиилэрин истибит буолан, эр киһини буруйдааҕынан билиннэ уонна 7 сыл 6 ый болдьоххо хаайарга уураахтаата. Бириигибэр сокуоннай күүһүгэр киирэ илик.
Бу киэһэ Ньурбаҕа ардах курулаччы түһэ турарын туһунан видео социальнай ситимнэринэн тарҕана турар. "Ньурбаҕа ардах…
Улан-Удэ куоракка ыытыллыбыт норуоттар икки ардыларынааҕы уонна Бүтүн Арассыыйатааҕы гиирэ успуордун турнирыгар Нам улууһун "Олимпик"…
Дьаҥ-дьаһах сатыылыыр. Хайа эрэ оскуолаҕа харантыын тохтоон, оҕолор үөрэнэ тахсалар. Оттон Хаҥалас улууһун П.С.Скрябин аатынан …
Бу күннэргэ Хаҥалас улууһун 2-с Малдьаҕар бочуоттаах олохтооҕо, байыаннай дьайыы кыттыылааҕа, «Саха Боотур» диэн уол…
Ааспыт нэдиэлэҕэ Саха сиригэр Татарстан Өрөспүүбүлүкэтиттэн дэлэгээссийэ оробучай сырыытынан кэлэн барда. Сырыы сүрүн сыала Саха…
Дьокуускай куорат 36 саастаах олохтооҕор холуобунай дьыаланы силиэстийэлээһин түмүктэннэ. Кини алҕаска киһини өлөрүүгэ тиэрдибит ыарахан…