Хаартыска уонна видео: Елена Потоцкая.
Кулун тутар 17-20 күннэригэр Дьокуускай куоракка ыытыллар табаһыттар өрөспүүбүлүкэтээҕи IV сийиэстэрин чэрчитинэн ыытыллар суолталаах тэрээһиннэр туһунан эппиэттээх салайааччылар суруналыыстары кытта көрсөн былааннах үлэни билиһиннэрдилэр.
СӨ тыа хаһаайыстыбатын уонна ас-үөл бэлиитикэтин миниистирин солбуйааччы Прокопий Николаев суолталаах тэрээһиҥҥэ өрөспүүбүлүкэ 19 улууһуттан 250 дэлэгээт кыттарын бэлиэтээтэ.
Кини салгыы бүгүҥҥүттэн саҕаланар өрөспүүбүлүкэтээҕи табаһыттар IV сийиэстэрин чэрчитинэн ыытыллар «Аан дойду табаһыттара» ассоциация куйаар ситимэ холбооһуннаах киэҥ ыҥырыылаах мунньах буоларын иһитиннэрдэ.
СӨ үлэ уонна социальнай сайдыы миниистирин солбуйааччы Елена Теплякова «Көһө сылдьар табаһыт дьиэ кэргэн» өрөспүүбүлүкэтээҕи куонкурус туһунан кэпсээтэ. Табаһыт дьиэ кэргэннэр 7 номинациянан күрэстэһиэхтэрэ. Кыайыылаахтарга СӨ Аҕа баһылыгын 300 тыһыынча солкуолбайдаах бириэмийэтэ бэриллиэҕэ. Быйылгы өрөспүүбүлүкэтээҕи куонкуруска 8 улуустан кыттыахтара. Ол курдук, Нерюнгри, Муома, Анаабыр, Булуҥ, Өлөөн, Кэбээйи, Томпо, Эбээн Бытантай улуустарын бэрэстэбиитэллэрэ күөн көрсүөхтэрэ.
СӨ култуураҕа уонна духуобунай сайдыыга министиэристибэтин социокултуурунай үлэҕэ салайааччы э.т. Светлана Эверстова Сайсары күөлгэ Табаһыттар сийиэстэрин чэрчитинэн ыытыллар Табаһыт күнүн култуурунай тэрээһиннэрин сиһилии билиһиннэрдэ. Сайсары күөлгэ араас улуустартан кэлбит табаһыттар бэйэлэрин улуустарын, үлэлэрин-хамнастарын билиһиннэрэр былаһааккаларын тэрийэн дьон кэрэхсэбилин ылыахтара, норуот маастардарын быыстапката буолуоҕа, улуустартан кэлбит самодеятельнай артыыстар кэнсиэрдиэхтэрэ, спортивнай күрэхтэһиилэр буолуохтара.
Ити курдук, табаһыттар өрөспүүбүлүкэтээҕи IV сийиэстэрин чэрчитинэн ыытыллар суолталаах тэрээһиннэр бу нэдиэлэ устата быыстала суох ыытыллыахтара.
Түөкүннэр биэнсийэҕэ мунньуллубут үбү-харчыны эбэтэр аҕам саастаахтар тус мунньуммут харчыларын «уһун болдьохххо мунньунан уурунуу бырагырааматыгар»…
Таатта улууһун Н.Е.Мординов-Амма Аччыгыйа аатынан үөрэхтээһин холбоһугун ювелирдары бэлэмниир бөлөҕүн үөрэнээччилэрэ Дьокуускайдааҕы бырамыысыланнай тиэхиньикум ювелирнай…
Арассыыйаҕа сэтинньи 30 күнүгэр бэлиэтэнэр Ийэ күнүн көрсө СӨ Бырабыыталыстыбатын дьиэтигэр элбэх оҕолоох ийэлэри наҕараадалаатылар.…
Үгэ-хоһоон. Дуона Бас уонна Дуонал. Дуона Бас дьылҕата, Дорҕоонноох тойуга, Доргуччу ылланар. Дуона Бас туһуттан…
Ахсынньы 1 күнүгэр Саха сирин киин куоратыгар сыл аайы ыытыллар «Кыһын Саха сириттэн саҕаланар» бэстибээл…
Госдуумаҕа Тутууга уонна ОДьКХ кэмитиэтин бэрэссэдээтэлин солбуйааччы Сергей Колунов кэпсээбитинэн, бэйэ кыбартыыратыгар табахтыыр киһиэхэ ыстараап…