Табаһыттар «Кыайыы дьыктааныгар» кытыннылар

Анаабырга алта табаһыт «Кыайыы дьыктааныгар» кытынна.

Улуу Кыайыы 80 сылыгар аналлаах «Кыайыы дьыктаана» Бүтүн Арассыыйатааҕы аахсыйа бэҕэһээ, муус устар 25 күнүгэр, Саха сирин үрдүнэн буолан ааста.  Саха сирин үрдүнэн барыта 907 былаһаакка үлэлээтэ.

Өссө биир ураты былаһаакка Мииринэйгэ «Интернациональный» АЛРОСА руднигар тэрилиннэ. Манна «Кыайыы дьыктааныгар» 18 шахтер кытынна.

СӨ Ил Дархана Айсен Николаев Жатайга 1 №-дээх оскуолаҕа кыттыыны ылла. Кини «Кыайыы дьыктаана» улахан суолталааҕын бэлиэтээтэ. Ил Түмэҥҥэ аахсыйаны 74 киһи өйөтө. Кинилэр ортолоругар норуот дьокутааттара, Ыччат парламенын чилиэннэрэ, уо.д.а. кыттыыны ылбыттар. Байыаннай дьайыы бэтэрээннэрэ «Аҕа дойдуну көмүскээччилэр» пуонда филиалыгар түмсүбүттэр. Өрөспүүбүлүкэ сүрүн былаһааккатынан буолбут «Россия — моя история» пааркаҕа 110 киһи тиийэн кыттыбыта бэлиэтэнэр.

Сиһилии https://www.sakha.gov.ru/news/3544 көрүөххэ сөп.

СӨ Ил Дарханын уонна Бырабыыталыстыбатын пресс-сулууспата