Хаартыска: Елена Потоцкая
Табаһыттар IV сийиэстэрэ бүгүн түмүктэннэ. Тэрээһин үс күн устата ыытылынна.
Сийиэс чэрчитинэн ыытыллыбыт тэрээһиннэргэ 12 улуустан кэлбит 28 хамаанда 54 табаһыт-спортсменнарын табаһыттар сүлүөттэрэ түмтэ. Манна хоту улуустар бэйэлэрин үлэлэрин-хамнастарын кэпсиир, көрдөрөр түөлбэлэри киэргэтэн, хаартыскалаан, уруһуйдаан, быыстапкалаан көрдөрдүлэр.
Суолталаах тэрээһиҥҥэ Ил Дархан Айсен Николаев кыттыыны ылла. Кини улуустар былаһааккаларыгар сылдьан, аҕыйах ахсааннаах норуоттар олохторун-дьаһахтарын, култуураларын, үгэстэрин кытта билистэ.
Саамай күүтүүлээх түгэн — таба сүүрдүүтэ. Табаһыттар бэйэлэрин көлүүр табаларын Муоматтан, Булуҥтан, Өлөөнтөн, Кэбээйиттэн, Өлүөхүмэттэн, Өймөкөөнтөн, Томпоттон уо.д.а. хоту улуустартан ким сиринэн массыынанан айаннатан, ким сөмөлүөтүнэн көтүтэн аҕалбыттар.
Табаһыттар да, табалар да тыҥааһыннаахтык кииристилэр. Киэҥ, нэлэмэн Сайсары күөл таба сүүрэригэр төһө да табыгастааҕын иһин, төгүрүмтэтэ эргиирдээх буолан, табалар эргииргэ кэлэн умса хоруйа түһэллэр эбэтэр сүүрэр трассаттан туораан хаалаллар.
Ол хомуллан сүүрэллэригэр бириэмэлэрин, биллэн турар, сүтэрэллэрэ чахчы.
Муҥутуур кыайыылааҕынан Эбээн Бытантантай 1-кы хамаандата буолла. Кинилэр АЛРОСА хампаанньа «Уралын» күлүүһүн туттулар.
Иккис миэстэни ылбыт Томпо улууһун хамаандата Ил Түмэн дьокутаата Виктор Лебедев туруорбут УАЗ-фургон массыынатын күлүүһүн ыллылар. Үһүс миэстэ — Тыа хаһаайыстыбатын министиэристибэтэ туруорбут «Буран» көлө кэмпилиэгинэн Эбээн Бытантай улууһун 3-с хамаандата наҕараадаланна.
Наҕараадаламмыт хамаандалар күлүүстэрин ыллылар. Кинилэри дойдуларыгар илдьэр бириистэр Сайсары күөл саамай көстүүлээх сиригэр турдулар.
Табаһыттар сүлүөттэрэ бэрт тэрээһиннээхтик ыытылынна. Бу үөрүүлээх күннэр кыттыбыт дьон өйүгэр-санаатыгар умнуллубат өйдөбүлү хааллардылар.
Саха сиригэр от ыйын 1 күнүттэн 2025-2026 сс. бултааһын сезонугар саамай тарҕаммыт бултка - көтөрү…
Байыаннай дьайыыга сылдьар хоһуун санаалаах хорсун ыччаттарга Кэбээйи улууһун Куокуй нэһилиэгэр "Надежда" иис түмсүүтэ тиһигин…
От ыйын 8 күнүгэр -- Дьиэ кэргэн күнүгэр Саха сириттэн Архангельскай, Магадаан уобаластарыттан эдэр пааралар…
Арассыыйа үрдүнэн мэдиссиинэ эйгэтигэр каадыр тиийбэтин кыһалҕата күүскэ бэлиэтэнэр. Бу боппуруоһу быһаарар биир ньыманан биэнсийэҕэ…
Элбэх оҕолоох ыалларга анал бырагыраама баар буолан, олорор дьиэлэрин сыанатын толуйарга үп-харчы көрүллэр. Ипотеканы төлөөһүҥҥэ…
Бүгүн, бэс ыйын 1 күнүгэр, П.А.Ойуунускай аатынан Саха Академическай тыйаатырыгар бойобуой дьайыы бэтэрээннэрин күнүн бэлиэтээһинэ…