Ил Түмэн Тыа хаһаайыстыбатын уонна аграрнай бэлиитикэтин сис кэмитиэтин мунньаҕар норуот дьокутааттара бас билии бары көрүҥүттэн тутутулуга суох таба иитиитинэн дьарыктанар хаһаайыстыбаларынан сааны уонна ботуруону харайар ирдэбиллэри сымнатар туһунан Камчатскай кыраай парламена дойду Бырабыыталыстыбатыгар бэлэмнээбит ыҥырыытын көрдүлэр.
Бу туһунан Ил Түмэн пресс-сулууспата иһитиннэрэр. Ыҥырыыга суруллубутунан, таба ахсаанын аҕыйааһынын биир төрүөтүнэн адьырҕа кыыл саба түһүүтэ буолар. Чуолаан, табаны иитиигэ боччумнаах хорумньуну бөрөлөр таһаараллар. Быһаччы адьырҕа кыыл таба ахсаанын аҕыйатары таһынан, үөрүн кыдыйар. Аҥардас 2022 сыллааҕы дааннайынан, Камчатскай кыраайга 3290 таба ахсаана аҕыйааһына бэлиэтэммит.
Манна таба иитиитинэн дьарыктанар хаһаайыстыбалар сааны, ботуруону харайарга сокуонунан бигэргэтиллибит бары ирдэбиллэри толорууну хааччыйар кыахтара суоҕа этилиннэ. Чуолаан, Уһук Хоту сир аҕыйах нэһилиэнньэлээх уонна онно тэҥнэниллибит сирдэргэ таба иитиитинэн дьарыктанар хаһаайыстыбаларынан сааны уонна ботуруону харайар анал миэстэ тэрийэллэригэр уустуктары көрсөллөр.
Мунньахха норуот дьокутааттара Хотугу аҕыйах ахсааннаах норуоттар төрүт дьарыктарын харыстааһыҥҥа, таба иитиитин өйүүргэ, бас билии бары көрүҥүттэн тутутулуга суох таба иитиитинэн дьарыктанар хаһаайыстыбаларынан сааны уонна ботуруону харайар сокуон ирдэбиллэрин сымнатар туһунан, табаһыттар көҕүлээһиннэринэн дойду Бырабыыталыстыбатыгар Камчатскай кыраай парламена бэлэмнээбит ыҥырыыларын Ил Түмэн дьокутааттара өйөөтүлэр.
Хотугулуу-Илиҥҥи федеральнай университекка үөрэххэ туттарсааччылар биир кэлим эксээмэн баалыгар уонна эбии тургутуулар түмүктэригэр эрэ буолбакка,…
Бэҕэһээҥҥиттэн, ыам ыйын 16 күнүттэн, «Полярные авиалинии» Ми-8 бөртөлүөтэ Өлүөнэ өрүһү туоратар үлэтин саҕалаата диэн…
Дьокуускайга Киргизияттан төрүттээх эр киһи кыбартыыратыгар көҥүлэ суох сэттэ миграны бырапыыскалаабыт. ИДьМ Дьокуускай куорат 1-кы…
Ил Түмэн спикерэ Алексей Еремеев парламеҥҥа сэттис (уочараты таһынан) пленарнай мунньахха ыҥырар дьаһалга илии баттаата.…
Бүгүн, ыам ыйын 17 күнүгэр, Дьокуускай куорат Хатас бөһүөлэгэр олохтоох Мария Оконешникова сүүрэ сылдьан кыталыктары…
Бүтэһик сууккаҕа Дьокуускайга сааскы халаан уутун таһыма үрдүүрэ күүтүллэр. Бүгүн, ыам ыйын 17 күнүгэр, сарсыарда…