Табаһыттары наҕараадалаатылар

Өлөөн национальнай эбэҥки улууһугар Бырабыыталыстыба ааспыт сыллааҕы отчуота ыытыллар. Ээйиккэ, Харыйалаахха, Дьэлиҥдэҕэ олохтоохтор үгүс боппуруостары туруордулар, санааларын этиннилэр.

Ол да буоллар, тэрээһин үөрүүлээх түгэннэринэн бастыҥ үлэһиттэри наҕараадалааһын буолла.
СӨ тыатын хаһаайыстыбатын миниистирин солбуйааччы Прокопий Николаев табаһыттарга, чуум үлэһиттэригэр, тыа хаһаайыстыбатын бэтэрээннэригэр наҕараадалары үөрүүлээх быһыыга туттарда.

Кинилэр ортолоругар Юрий Сергеев баар. Кини тыа хаһаайыстыбатын бочуоттаах бэтэрээнэ буолла. «Дьэлиҥдэ» МУП табаһыттарын биригэдьиирэ Яков Карпов, Иннокентий Павлов, тыа хаһаайыстыбатын исписэлииһэ Мария Семенова уо.д.а. бааллар. Онон Үлэ сыла биир бэлиэ түгэннэннэ.

Хаартыска: Айталина Винокурова