Салгыы
Табаһыттары үөрэтиигэ болҕомто ууруллуоҕа

Табаһыттары үөрэтиигэ болҕомто ууруллуоҕа

16.03.2023, 17:20
И.Баланов хаартыската
Бөлөххө киир:

Табаны иитиигэ норуоттар икки ардыларынааҕы чөмпүйэнээт чэрчитинэн, “Арктикаҕа глобальнай уларыта тутуу усулуобуйатыгар хотугу дьиэ табатын иитиини бигэтик сайыннарыы” диэн норуоттар икки ардыларынааҕы кэмпириэнсийэ дириҥ суолталаах боппуруостары быһаарыаҕа.

Кэмпириэнсийэ секцияларынан ыытыллар. Манна “Аан дойду табаһыттара” ассоциация бырабылыанньатын бэрэссэдээтэлэ Ингер Анита Смук табаны иитиини бигэ тирэхтээхтик сайыннарыыга ВКС көмөтүнэн санаатын үллэстиэҕэ. Хоту дойду, Сибиир уонна Уһук Илин аҕыйах ахсааннаах төрүт норуоттарын ассоциациятын вице-бэрэсидьиэнэ Артур Гаюльскай, хайалаах-тайҕа сиргэ табаны иитии кыһалҕаларын туһунан Федерация Сэбиэтин кэмитиэтин бэрэссэдээтэлин солбуйааччы Анатолий Широков, төрүт норуоттар ассоциацияларын юрист-эспиэрэ Юлия Якель, Taiga Nature Society (Монголия) пуонда дириэктэрэ Цогцайхан Пурев ВКС эрэсииминэн кыттыахтара. Арассыыйаҕа табаны иитиигэ быраап өттүнэн боппуруостарыгар Ил Түмэн норуодунай дьокутаата Елена Голомарева, СӨ Арктика сайдыытыгар уонна Хоту дойду норуоттарын дьыалаларыгар миниистирэ Владимир Черноградскай, Гренландияттан табаһыт, Isortoq Development хампаанньаны бас билээччи  Стефан Магнуссон уо.д.а. санааларын атастаһыахтара.

Табаһыттары үөрэтии уонна каадыры бэлэмнээһин болҕомтоҕо тутуллуоҕа. Хоту дойду аҕыйах ахсааннаах төрүт норуоттарын бигэтик сайдыыларыгар таба иитиитин норуоттар икки ардыларынааҕы институтун оруолун эмиэ болҕомтоҕо ылыахтара. М.К.Аммосов аатынан ХИФУ ЮНЕСКО кафедратын сэбиэдиссэйэ Анатолий Жожиков кыттыаҕа.

Саха Өрөспүүбүлүкэтин Тыатын хаһаайыстыбатын министиэристибэтин, “А-Проперти” ХЭУо, “Исток” көс аҕа ууһун общинатын икки ардыларыгар сөбүлэһии түһэрсиллэрэ күүтүллэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 июля
  • 17°C
  • Ощущается: 17°Влажность: 94% Скорость ветра: 1 м/с

Сообщить об опечатке

Текст, который будет отправлен нашим редакторам: