“Табаларбытын сиринэн илдьэрбит буолуо”

Дьокуускайга кулун тутар ыйга ыытыллар табаһыттар уочараттаах  сийиэстэригэр бэлэмнэнии хайдаҕый?

Өлөөн эбэҥки национальнай улууһуттан табаны иитии салаатын сайыннарыыга күүскэ үлэлэһэр Марина Христофоровна Николаева маннык хоруйдаата:

— Кулун тутар ыйга буолаары турар сийиэскэ биһиги эмиэ кыттыыны ылыахпыт. Улууспутуттан 9 дэлэгээт барыаҕа: икки салайааччы уонна сэттэ табаһыт. Баһылыкпыт Лена Степановна Иванова онно кытта барарга үп-харчы өттүнэн көмөлөһөргө үлэ ыыта сылдьар. Табаларбытын  сиринэн илдьэрбит буолуо диэн билиҥҥитэ быһаарса сылдьабыт. Сийиэс 8 сыл буолан баран ыытыллан эрэр, онон таба иитиитин инники сайдыытын боппуруостарын ымпыктаан-чымпыктаан көрүөхтэрэ диэн эрэнэбит.