Хаартыска: Андрей Сорокин, ЯСИА
Сэтинньи 20 күнүгэр Уус-Маайа оройуонун суута РФ ХК 111-с ыст. 2-с чааһын «з» пуунунан көрүллүбүт буруйу оҥорууга буруйданар 31 саастаах олохтоох киһиэхэ сыһыаннаан бириигэбэр таһаарда.
Балаҕан ыйыгар сууттанааччы доҕорун кытта уопсай билэр дьахталларыгар ыалдьыттаабыттар. Арыгы иһэ олорон, доҕордуулар табыллыбатах оонньууттан сылтаан иирсибиттэр, онтулара охсуһууга тиэрдибит. Иирсээн тохтообутун кэннэ, сууттанааччы балык астыы сылдьыбыт. Бу кэмҥэ эмсэҕэлээччи кэнниттэн кэлэн, эйэлэһээри илиитин буруйданааччы санныгар уурбут. Онно эппиэттээн, буруйданааччы сыыдамнык эргиллэ түһээт, доҕорун ис туһаайыытынан быһаҕынан анньан, доруобуйатыгар ыар эчэйиини оҥорбут. Суут мунньаҕар эр киһи кэмсиммитин уонна буруйун толору билиммитин эппит, күн аайы доҕоругар балыыһаҕа сылдьан, эмп-томп уонна ас-үөл атыылаһарын быһаарбыт. Эмсэҕэлээччи сууттанааччыга ирдэбилэ суоҕун туһунан көрдөһүү сурук биэрбит. Суут матырыйааллары учуоттаан, эдэр киһини буруйдааҕынан билиннэ уонна 3 сыл болдьоххо көҥүлүн усулуобунайдык быһарга уураахтаата. Суут бириигэбэрэ сокуоннай күүһүгэр киирэ илик, диэн СӨ Сууттарын холбоһуктаах пресс-сулууспата иһитиннэрэр.
Бүгүн, сэтинньи 28 күнүгэр, «Сыыппара алмааһа» пуорум чэрчитинэн эспиэрдэр территория сайдыытын уонна инфраструктура туругун хонтуруоллааһыҥҥа…
Саха сирин суол оҥоһуутун пуондатын үбэ-харчыта 90 млрд солкуобайга тэҥнэстэ. Бу үп суумата үс сыл…
Бүгүн Нам улууһун Аппааны сэл. үөрүүлээх түгэн тосхойдо. Ол курдук, 70 сүөһү турарыгар аналлаах саҥа…
Сунтаар оройуонун суута улуус 68 саастаах олохтооҕун РФ ХК 105-с ыст. 1-кы чааһынан (киһини өлөрүү)…
Саха сирин ыраах дистанцияҕа ытыыга Федерациятын бэрэссэдээтэлэ Александр Данилов РФ Сэбилэниилээх Күүстэрин аармыйа тактическай-ытыы многоборьетын…
Бүгүн "Сыыппара алмааһа" пуорум чэрчитинэн «Арктика синергията» бырайыак саҕаланна. «Арктика Синергиятын» туһунан Ил Дархан Айсен…