Таджикистаҥҥа, Камчаткаҕа, Новосибирскайга сир хамсааһыннара бэлиэтэннилэр

Таджикистан илин өттүгэр биэс баллаах сир хамсааһынын түмүгэр 17 олорор дьиэ урусхалламмыт. Бу быһылаан туһунан дойду бырабыыталыстыбатын иһинэн ыксаллаах быһыыга- майгыга уонна гражданскай оборуонаҕа кэмитиэтэ иһитиннэрэр.

«Сир хамсааһына муус устар 13 күнүгэр сарсыарда олохтоох бириэмэнэн 09:24 чааска буолбут. Түмүгэр 17 олорор дьиэ уонна биир оскуола сир хамсааһыныгар урусхалламмыт», — диэн Таджикистан ЫБМ кэмитиэтигэр иһитиннэрдилэр. Дойду илин эҥээр өттүн таарыйбытын туһунан эбэн суруйаллар. Биэс баллаах сир хамсааһынан 160 км хоту диэкки сытар Раштскай оройуоҥҥа буолбут. Оттон Таджикистан киин куоратыгар сир хамсааһына түөрт баллы куоһарбатах. Итини кытта сир хамсааһына Узбекистан, Кыргызстан уонна Казахстан дойдуларыгар кытта биллибит.

Оттон Камчаткаҕа сир хамсааһынын күүһэ 5,1 баалга тиийдэ — бу күүстээх сир хамсааһынынан ааҕыллар. Петропавловскай- Камчатскайтан 94 километр ыраах сиргэ, 43 километр дириҥнээх сиргэ сир хамсааһына буолбута чуолкайданна.

Бу иннинэ сир хамсааһына Новосибирскайга муус устар 13 күнүгэр күнүс бэлиэтэммит. Сир хамсааһынын күүһэ 3,9 баалга тиийбит.