«Таежный герой» байыаннай-спортивнай оонньуу 200-тэн тахса оҕону түмтэ

Киин куоракка «Таежный герой» байыаннай-спортивнай оонньуу түмүктэннэ диэн СӨ Бырабыыталыстыбытын пресс-сулууспата иһитиннэрэр.

Тэрээһин XV «Летний позитив» куораттааҕы бэстибээл чэрчитинэн олох ыарахан балаһыанньатыгар түбэспит оҕолорго уонна улаатан эрэр оҕолорго анаан ыытыллар.

СӨ Ис дьыалаҕа министиэристибэтин идэни бэлэмниир киинигэр өрөспүүбүлүкэ араас улуустарыттан 12-17 саастаах 220 оҕо оонньууга кытта кэлбиттэр.

Кыттааччылар ыстаансыйаларынан оонньууга, мэһэйдээх күрэххэ, мөккүһүүгэ кытыннылар.

Байыаннай спортивнай оонньуулар түмүктэринэн кыайыылаахтар кубоктарынан, грамоталарынан уонна мэтээллэринэн наҕараадаланнылар, оттон бары кыттааччылар оонньуу бары түһүмэхтэрин ситиһиилээхтик түмүктээбиттэрин туоһулуур сэртипикээттэри уонна өйдөбүнньүк мэтээллэри туттулар.