Таһаҕаһы тиэйии быраабылатын кэспит суоппар административнай эппиэтинэскэ тардылынна

Социальнай ситимнэри кэтээн көрүү кэмигэр Госавтоинспекция үлэһиттэрэ «Тойота Хайс» мааркалаах массыына суоппара суол быраабылатын кэһэн туран, элбэх таһаҕастаах айан-сырыы суолунан айанныырын видеоҕа уһулан тарҕаппыттарынан бэрэбиэркэ ыыттылар.

Госавтоинспекция оперативниктара көрдүүр тэрээһиннэринэн, буруйдаах 1994 с.т. суоппар буоларын быһаарбыттар уонна административнай эппиэтинэскэ тардыбыттар.

Госавтоинспекция сулууспата маннык буруйу оҥорууга буруйдаах сэрэтии ыларын эбэтэр 500 солк. суума ыстарааптаах административнай эппиэтинэскэ тардылларын санатар. Бу туһунан Госавтоинспекция пресс-сулууспата суруйар.