Таһаҕаһы тиэрдии 91,9% туолбут

Share

Бырабыыталыстыба бэрэссэдээтэлин бастакы солбуйааччы Дмитрий Садовников муус устар 6 күнүгэр кыһыҥҥы кэмҥэ таһаҕаһы таһыыны сүрүннүүр биэдэмистибэлэр икки ардыларынааҕы хамыыһыйа мунньаҕын ыытта.

Хаартыска: Ил Дархан, бырабыыталыстыба дьаһалтатын пресс-сулууспата.

Бүгүҥҥү күҥҥэ Саха сиригэр 804,3 тыһыынча туонна таһаҕас тиэрдиллиэхтээх сиригэр тиэрдиллибит. Бу былаан 91,9%-на буолар. Былырыын бу кэмҥэ 731,2 тыһыынча туонна таһаҕас тиэрдиллибитэ, ол былаантан 90,8% этэ.

Билигин таһаҕаһы тиэйиигэ 708 тиэхиньикэ сүүрэ сылдьар.

Бырабыыталыстыба ураты хонтуруолугар Арктикаҕа, хотугу улуустарга таһаҕаһы тиэрдиини тутар. Бу хайысханан билигин таһаҕаһы тиэрдии былаана 87,5% туолан турар. Былааннаммыт 404,1 тыһыынча туоннаттан 353,5 тыһыынча туонна таһаҕас тиэрдилиннэ.

Суол сабыллыар диэри таһаҕаһы тиэрдэн бүтэрэр туһуттан, эбии тиэхиньикэни туһанар буоллулар. Бу тиэхиньикэни сүрүннээн хотугу улуустарга уматыгы тиэрдиигэ туһаныахтара.

Мунньахха күн-дьыл туругун туһунан гидрометеорологическай билгэлээһини иһиттилэр, нэһилиэнньэлээх пууннар уматыгынан хааччыллыыларын, таас чоҕу хостооһун уонна тиэйии туһунан кэпсэттилэр.

Дмитрий Садовников мунньах түмүгэр кыһыҥҥы таһаҕаһы тиэйии былаанын 100% толорорго сорудахтаата. Биэдэмистибэлэргэ уонна министиэристибэлэргэ бу боппуруоһу күн аайы хонтуруолга тутарга соруйда.

Ил Дархан, бырабыыталыстыба дьаһалтатын пресс-сулууспата.

Recent Posts

  • Интервью
  • Сонуннар

Александр Захаров: «Тыйаатыр – ыра санаам туолуута»

2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…

36 минут ago
  • Интэриэһинэй
  • Сонуннар

Күөсчүт – дириҥ силистээх идэ

Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…

3 часа ago
  • Сонуннар
  • Сүрүн

Кураанахха ипотека харчытын төлүүллэр: Күлүү гыммыт курдук, 334 солк. төнүннэрдэ…

2021  сыллаахха  түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…

4 часа ago
  • Байыаннай эпэрээссийэ
  • Интервью
  • Сонуннар

Буойун-суруналыыс “Zиппо”

Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…

5 часов ago
  • Интэриэһинэй
  • Сонуннар

Саҥа дьылы көрсөргө бэлэмнэнэбит

Эдэриттэн эмэнигэр тиийэ саҥа сылы кытта хайаан даҕаны үтүө, кэрэ кэлиэҕэ, эһиил быйылгытааҕар өссө ордук…

6 часов ago
  • Сонуннар
  • Уопсастыба

Сиэр-майгы: Мин билэр буоллум да…

Кистэл буолбатах, үгүстэргэ “мин билэр буоллум да, киһи барыта билиэхтээх” диэн өйдөбүл иҥэн хаалбыт. Билбэтин…

7 часов ago