Хаартыска: PxHere
Аны Таиланд уонна Камбоджа икки ардыларыгар иирсээн күөдьүйэн таҕыста. Таилаҥҥа сылы эргиччи Саха сириттэн элбэх киһи туристыы барар идэлээх. Онон балаһыанньа хайдаҕын көрүөххэ диэн rg.ru суруйар.
От ыйын 24 күнүгэр Таиланд Камбоджаны кытта мөккүөрдээх кыраныыссатын кытыытынан турар Камбоджа байыаннай эбийиэктэрин бастаан реактивнэй систиэмэлэринэн (РСЗО) ытыалаан баран, салгынтан саба түһүүнү оҥорбут. Оттон Камбоджа байыаннайдара “Град” РСЗО-нан Сисакет провинция сирин ытыалаабыттар. Ол түмүгэр кыраныысса аттыгар олорор Таиланд 12 олохтооҕо өлбүт, 24 киһи бааһырбыт. Өрүттэр бэйэ-бэйэлэрин бастакынан ким саҕалаабытын быһаарсаллар, буруйдаһаллар.
Пномпень уонна Бангкок былыр-былыргыттан ыаллыы олорор буоланнар, эйэлэһэллэр да, иирсэллэр да. Уопсай кыраныыссалара — 817 км. Франция урут Камбоджаны дьаһайан олорбут кэмигэр оҥорбут кыраныыссата эбит, онон сир былдьаһыыта кэмиттэн кэмигэр тахса турар.
Кытай тас дьыалаларга министиэристибэтэ иирсээни өрүттэр кэпсэтии, сүбэлэһии суолунан быһааралларыгар эрэнэр, диир Reuters. Кытай иирсээни тохтотууга улахан оруолу ылыаҕа, кырдьыктаах позицияны тутуһуо диэн этэр министиэристибэ бэрэстэбиитэлэ Го Цзякунь. КНӨ Камбоджа эрэллээх союзнига эбит.
Күн бүгүн Таилаҥҥа 24 тыһ. биһиги туристарбыт бааллар, диэн Турэпэрээтэрдэр ассоциациялара (АТОР) эппитин «Российская газета» суруйар. Бу манна “кыстаан” олорооччулар киирбэттэр.
Арассыыйа туристара бары иирсээн буола турар сириттэн 500-1000 км ыраах куттала суох сиргэ бааллар диэбит АТОР.
Оттон Камбоджаҕа эмиэ туристыы тиийбит уонунан киһи баар буолуон сөп. Бу биирдиилээн айанньыттар уонна комбинированнай авиатурдар дьонноро. АТОР эппитинэн, Камбоджаны кытта быһа сөмөлүөтүнэн көтүү суох.
Иирсээн дириҥээбэккэ этэҥҥэ түмүктэнэригэр баҕарабыт.
Ил Дархан туһаайан этиитигэр дьоҕус урбааны өйүүр боппуруос болҕомтоҕо ылыллыа диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…
СӨ муниципальнай тэриллиилэрин бэрэстэбиитэллээх уорганнарын дьокутааттарын 3-с сийиэһэ куорат уокуруктарын, тыа сирин нэһилиэктэрин дьокутааттарын түмтэ.…
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…