Таиландтан кэлбит дьон эбисийээнэ уоспатынан ыалдьыбыттар
16.02.2026, 18:30
Хаартыска: pxhere.com
Бөлөххө киир:
РИА-Новости иһитиннэрэринэн, Санкт-Петербург куоракка эбсийээнэ уоспатынан ыалдьыы икки түбэлтэтэ бэлиэтэммит.
Уобаластааҕы Роспотребнадзор чахчыларынан, Таиланд Королевствотыттан кэлбит икки киһи эбисийээнэ уоспатыгар сутуллубут.
Ыалдьыбыт дьону балыыһаҕа госпитализациялаабыттар, туруктара этэҥҥэ. Кинилэри кытары хантаактаспыт дьон эмиэ кэтэбилгэ сылдьаллар.
Билигин кыраныысса таһынааҕы пууннарга санитарнай хонтуруол күүһүрдүллүбүт. Санатан эттэххэ, олунньу саҥатыгар туһааннаах ыарыынан ыалдьыбыт үс киһи Москваҕа Домодедово балыыһатыгар киирбиттэрэ.
Эбисийээнэ уоспата сэдэх сыстыганнаах ыарыы, ордук иммунитеттара мөлтөөбүт дьоҥҥо кутталлаах.
Сообщить об опечатке
Текст, который будет отправлен нашим редакторам: