Хаартыска pxhere.com
Камбоджа уонна Таиланд ыккардыларыгар байыаннай харсыһыылар төрдүс күннэрин салҕаналлар. Соҕуруу оройуоннарга, Трат уонна Чантхабури провинцияларыгар байыаннай дьайыылар саҥа фроннара аһылынна.
Бу сирдэр Арассыыйа олохтоохторо сөбүлээн сынньанар курортарыттан чугас сыталлар. Ону таһынан, Камбоджа артиллериятын сэнэрээттэрэ Лаос сиригэр-уотугар түстүлэр. Таиланд сарсыарда Камбоджа Поусат провинциятын ытыалаабытын түмүгэр 13 киһи, ол иһигэр биэс байыаннай сулууспалаах уонна аҕыс эйэлээх олохтоох тыыннара быстыбыт.
Камбоджа Национальнай көмүскэл министиэристибэтин генерал-лейтенанта Мали Сочхеат иһитиннэрбитинэн, бааһырбыттар ахсааннара 70-тан таҕыста, олортон 21-рэ — байыаннай, оттон 50-чата — эйэлээх олохтоох. Камбоджа сэнэрээттэрэ Лаос сиригэр-уотугар түспүттэр. Таиланд сиринээҕи сэриилэрин бэрэстэбиитэлэ, генерал-майор Винтхай Сувари сэнэрээттэр тус сыалтан улаханнык туораабыттара дьиктиргэтэрин бэлиэтээн, бу охсуу алҕас буолуон саарбахтаата.
Ити курдук, байыаннай харсыһыылар Арассыыйа олохтоохторо сөбүлээн сынньанар туристическай эрэгийиэннэригэр чугаһаатылар. Ордук улахан долгуйууну Трат уонна Чантхабури провинцияларыгар соҕурууҥҥу фронт аһыллыбыта үөскэтэр — бу сирдэр Бангкоктан 200 км, оттон Паттайяттан 150 км эрэ тэйиччи сыталлар. Таиланд былаастара кыраныыссаҕа чугас оройуоннартан 130 тыһыынча киһини номнуо эвакуациялаатылар.
АХШ бэрэсидьиэнэ Дональд Трамп бэйэтин социальнай ситимигэр харсыһар дойдулар баһылыктарын кытта кэпсэтиини ыыппытын туһунан суруйда. Кини этэринэн, кэпсэтиигэ икки лидер иккиэн байыаннай дьайыылары тохтотор баҕалаахтарын бигэргэппиттэр. Бу сөбүлэһиилэр ситиһиллиэхтэригэр диэри Трамп Таиланы уонна Камбоджаны кытта бары атыы-эргиэн сыһыаннаһыыларын тохтотор санаалаах.
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…