Таилаҥҥа визата суох сырыы болдьоҕун сарбыйары толкуйдууллар

Таиланд былаастара 60-тан 30-ка диэри туристар сылдьар болдьоҕун аччатары толкуйдууллар. Бу туһунан Королевство уопсастыбаннаһы кытта сибээскэ судаарыстыбаннай департамена иһитиннэрэр.

«Премьер-миниистир Пхетхонгтхан Чинават соторутааҕыта визата суох сырыы тиһигин саҥалыы көрөн уларытарга этии көтөхпүтэ. Сорох туристар сокуону кэһэн, холобур, болдьоҕу таһынан хаалан үлэлииллэр, олохсуйаллар. Билигин визата суох сырыы 93 дойду туристарыгар анаан үлэлиир. Болдьоҕо — 60 хонук», — диэн биэдэмистибэ иһитиннэрдэ. Бу туһунан ТАСС суруйар.