Хаартыска: Дмитрий Тихонов телеграм-ханаалыттан.
Бу күннэргэ үөрүүлээх сонун кэллэ – Мэҥэ Хаҥалас улууһун «Тумул» тыа хаһаайыстыбатын оҥорон таһаарар кэпэрэтиибин бэрэссэдээтэлэ Таисия Десяткина «Тыа хаһаайыстыбатыгар таһаарыылаах үлэтин иһин» мэтээлинэн наҕараадаланна.
Таисия Васильевна РФ Бэрэсидьиэнэ Владимир Путин ыйааҕынан тыа хаһаайыстыбатын эйгэтигэр өр сыллаах үтүө суобастаах үлэтин иһин бэлиэтэннэ. Бу туһунан Мэҥэ Хаҥалас улууһун баһылыга Дмитрий Тихонов бэйэтин телеграм-ханаалыгар иһитиннэрдэ уонна киэн туттар биир дойдулааҕар истиҥ эҕэрдэтин тиэртэ:
“Ытыктабыллаах Таисия Васильевна! Улуус салалтатын аатыттан эйигин, салайар тэрилтэҥ бары үлэһиттэрин бу үрдүк наҕарааданы ылбыккынан ис сүрэхпиттэн эҕэрдэлиибин. Тыа хаһаайыстыбата инникилээх, дьоммут-сэргэбит бигэ туруктаах буолалларын туһугар күннэтэ сыралаһан, таһаарыылаахтык үлэлии-хамсыы сылдьаргынан астынабын, киэн туттабын. Инникитин таһаарыылаах үлэни, улууспутугар төрүт дьарыкпыт сайдыы саҥа таһымыгар тахсарыгар бииргэ үлэлиэхпит диэн эрэнэбин. Этэҥҥэ буолууну, саҥа кирбиилэри, эйэлээх халлааны баҕарабын!”
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…