Тайаҕы бултаабыт дьокутаат сууттаныаҕа

Саха сиригэр олохтоох дьокутаат сокуоннайа суохтук бултаабытынан холуобунай дьыала силиэстийэтэ түмүктэннэ диэн СӨ Силиэстийэлиир кэмитиэтин пресс-сулууспата иһитиннэрэр.

Силиэстийэ быһаарбытынан, 2024 сыл атырдьах ыйыгар бу киһи итирик туруктаах сылдьан Абый оройуонугар баар «Бассейн Бадяриха» харыстанар айылҕа ресурсалаах резерватынан мотуордаах оҥочонон айаннаабыт. Онно сылдьан карабинынан сокуоннайа суохтук тайаҕы бултаабыт.

Бу быһылаан булт көҥүллэнэ илик кэмигэр буолбут, дьокутаат бултууругар сөптөөх көҥүлэ суох эбит.

Хоромньуну 400 тыһ.солк. сыаналаабыттар. Дьокутаат буруйун билиммит уонна хоромньуну төлөөбүт.

Холуобунай дьыала суукка барда.