Тайах кабельга иҥнэн, интэриниэт ситимэ харгыстанна

Мэҥэ Хаҥалас улууһугар массыына суолугар тайах кабельга иҥнэн, Саха сиригэр интэриниэт бытаара сырытта. Бу информацияны СӨ Экологияҕа министиэристибэтэ бигэргэттэ.

Бу сиргэ Мэҥэ Хаҥаластааҕы экологическай надзор суһал бөлөҕө тиийдэ.

«Тайахха идэтийбит көмөнү оҥороору, Дьокуускайтан криолитозона биологическай кыһалҕаларын институтун научнай үлэһиттэрэ тиийдилэр. Быстах кэмҥэ тайаҕы утутан баран боруобаттан босхолуур туһунан быһаарыныыны ылыннылар. Ол кэнниттэн кыыл туругун көрүөхтэрэ-истиэхтэрэ, нэһилиэнньэлээх пуунтан, трассаттан ыраах сиргэ илдьэн ыытыахтара», — диэн иһитиннэриигэ суруллар.