Такси суоппара төлөпүөнү булан баран…

Дьокуускайга 3 №-дээх полиция отделын дьуһуурунай чааһыгар 40 тыһ.солк. суумалаах төлөпүөнүн уордарбытын туһунан олохтоох дьахтартан сайабылыанньа киирбит.

Суһал-ирдиир үлэ ыытыллыбытын түмүгэр холуобунай ирдэбил үлэһиттэрэ уорбаланааччыны быһаарбыттар. Бу такси суоппара, 35 саастаах киһи буолара биллибит. Быһаарыллыбытынан, дьахтар таксинан айаннаан иһэн массыынаҕа смартфонун түһэрбит. Суоппар өйдөөн көрүөр диэри төлөпүөн онно сыппыт. Суоппар булан баран, төлөпүөн хаһаайынын ирдииргэ, буларга кыһаллыбатах уонна бэйэтигэр ылбыт.

Уоруллубут ылыллыбыт. РФ ХК 158 ыст. 2 ч. («Кража») холуобунай дьыала тэриллибит.

СӨ ИДьМ пресс-сулууспата