Таксыылыыр дьахтар массыынатын алдьаппыт эр киһи дьыалаҕа тардылынна

ИДьМ сулууспатын 1 №-дээх полициятын отделын дьуһуурунай чааһыгар таксыы өҥөтүн оҥорор дьахтар тыллаабыт.

Кини массыына ыҥыртарбыт биллибэт эр киһи омук массыынатын алдьаппытын биллэрбит. Материальнай хоромньу 8 000 солкуобайы тэҥнэспит. Суһал-көрдүүр тэрээһиннэринэн холуобунай ирдэбил үлэһиттэрэ буруйу оҥорооччуну туттулар. Мэҥэ Хаҥалас улууһуттан төрүттээх урут сууттаммыт 37 саастаах эр киһи буолара биллибит.

Силиэстийэҕэ быһаарыллыбытынан, эмсэҕэлээччи таксыылыы сылдьан,эбии сакааһы ылбыт. Итирик пассажир массыынаны ыытар дьахтары кытта тыл-тылга киирсибит. Дьахтар эр киһини баҕааска малын уурарыгар, ааны күүскэ саба бырахпытын эппит. Айдаан кэмигэр эр киһи  массыынаттан тахсан бамперын атаҕынан хаста да тэппит, ол түмүгэр бампер алдьаммыт. Эр киһиэхэ РФ Холуобунай кодексатын 167-с ыстатыйатын 1-кы чааһынан («Соруйан баайы-дуолу алдьатыы») холуобунай дьыала көбүтүлүннэ. Билигин кини икки сылга диэри көҥүлэ быһыллыан сөп, диэн ИДьМ пресс-сулууспата иһитиннэрэр.