Таксыыс дьахтар пассажир төлөпүөнүн уорбут

Дьокуускай куоракка полицейскайдар пассажиртан төлөпүөнүн уорбут дьахтары туттулар.  

Полиция 3-с нүөмэрдээх отделыгар  төлөпүөнүн уордарбыт дьахтартан сайабылыанньа киирбит.  Суһал-ирдиир үлэ кэмигэр  47 саастаах  уорбаланааччыны, олохтоох дьахтары быһаарбыттар.

Быһаарыллыбытынан, таксыы суоппара массыынатыгар пассажир алҕаска хаалларбыт  төлөпүөнүн булан ылбыт. Дьахтар төлөпүөнү хаһаайыныгар төнүннэрбэт сыаллаах  сим-каартатын ылан быраҕан кэбиспит. Инньэ гынан, таксыыс дьахтарга РФ Холуобунай кодексын 158 ыст. 2 чааһынан холуобунай дьыала көбүтүлүннэ.