Таксыыс сыаналаах төлөпүөнү булан ылбыт уонна…

Биир дьахтар  ИДьМ “Якутское” 2 №-дээх полициятын отделын дьуһуурунай биригээдэтигэр сибээскэ тахсан, 100 тыһыынча солкуобай суумалаах смартфонун уорбуттарын туһунан иһитиннэрбит.

Сайабылыанньа биэрээччи ол күн дьиэтигэр таксыынан айаннаабыт. Ол кэнниттэн, төлөпүөнэ суох буолбутун билэн, тута таксыы хампаанньатын диспетчеригэр эрийбит. Үлэһиттэр суоппары кытта сибээскэ тахсыбыттар, онуоха суоппар массыынатын иһигэр тугу да булбатаҕын туһунан эппит.

Суһал көрдүүр үлэ ыытыллыбытын түмүгэр, ИДьМ оперативнай-чинчийэр отделын үлэһиттэрэ суоппар ылбытын билбиттэр.  Оперативниктар быһаарбыттарынан, 30 саастаах Азербайджан  олохтооҕо пассажир төлөпүөнүн булан баран, тута араарбыт уонна симканы быраҕан кэбиспит. Сарсыныгар дойдутугар көтөн кэлэн, онно сыаналаах смартфонун атыылаабыт. Ол эрээри, уорбаланааччы Дьокуускайга төннүбүтүгэр, полиция тутан ылбыт.

РФ Холуобунай кодексатын “Уоруу” 158 ыстатыйатын 2-с чааһынан холуобунай дьыала тэрилиннэ, ол чэрчитинэн, 5 сылга диэри болдьоххо көҥүлэ быһыллыан сөп.

СӨ ИДьМ пресс-сулууспата