Бүгүн, ахсынньы 16 күнүгэр, М.К. Аммосов аатынан ХИФУ Хотугулуу-Илиҥҥи норуоттарын тылларын уонна култуураларын институтун Саха тылын кафедратын тэрийиитинэн «Түүр тылларын тэҥнээн үөрэтии» II аан дойдутааҕы научнай-практическай кэмпириэнсийэ үлэтин саҕалаата.
Бу кэмпириэнсийэ аатырбыт тюрколог, уопсастыбаннай диэйэтэл, тыл билимин хандьыдаата, доцена Юрий Иванович Васильев-Дьаргыстай 70 сааһыгар ананан ыытыллар.
Кэмпириэнсийэ аһыллыытыгар дьоһун киһи – талааннаах учуонай-тюрколог, чаҕылхай педагог, чинчийээччи, суруйааччы, тылбаасчыт уонна муударай доҕор Юрий Васильев-Дьаргыстай туһунан бииргэ үлэлээбит дьоно, наука үлэһиттэрэ, окуола дириэктэрдэрэ, доҕотторо, үөрэппит оҕолоро истиҥ-сылаас тылларынан ахтан-санаан аастылар.
Кэмпириэнсийэ биэс сиэксийэнэн: «Саха тылын уонна тюркология боппуруостара», «Тыллары тэҥнээн үөрэтии», «Арассыыйа норуоттарын тыллара: инникитэ уонна сайдар кыаҕа», «Арктика норуоттарын тылларын, култуураларын харыстааһын уонна сайыннарыы боппуруостара» уонна «Хас да тылы тэҥинэн үөрэтии эйгэтигэр тылбаас» үлэлиир итиэннэ хас биирдитигэр 20-чэлии тиэмэнэн дакылаат ааҕыллар.
Тэрээһин түмүгүнэн резолюция ылыллыа.
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…
Саҥа Дьыл чугаһаабытынан Саха сирин олохтоохторо дьиэлэригэр, «утренниктарга» уонна тэрилтэлэрин киэһэлэригэр Тымныы Оҕонньору уонна Хаарчаананы…
Ил Дархан 2025 сыл түмүктэрин таһаарыаҕа уонна өрөспүүбүлүкэ сайдыытын кэскилин торумнуоҕа. Ахсынньы 23 күнүгэр, Дьокуускай…
Кини сыл барыллаан түмүктэрин таһааран, инники былааннарын кытта билиһиннэриэҕэ. СӨ Бырабыыталыстыбатын иһинэн ЗАГС управлениетын салайааччыта…
Дьокуускайдааҕы куорат суута уорууга (РФ Холуобунай кодексатын 158-с ыстатыйатын 2-с чааһын «в» пууна) буруйданар киһи…
Кэлиҥҥи сылларга Дьокуускайга улуустар күннэрин ыытыы үгэскэ кубулуйан, улахан суолталаах тэрээһин биир дойдулаахтары түмэр буолан,…