Таалай күөлгэ кирдээх уу тохтубутунан бэрэбиэркэ ыытыллар

Бу күннэргэ СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтин чат-ботугар Дьокуускай куорат Таалай күөлүгэр кирдээҕи ууну тохпуттарын туһунан иһитиннэрии киирбитэ.

Бу түбэлтэнэн СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтин судаарыстыбаннай иниспиэктэрдэрэ миэстэтигэр тиийэн бэрэбиэркэни ыыттылар. Бэрэбиэркэ кэмигэр күөл кытыытыгар уонна мууһун үрдүгэр кирдээх уу тоҕуллубута бэлиэтэннэ. Уу тохтубут сириттэн анаалыс ылылынна. Экологическай сыанабыл түмүгүнэн быһаарыы ылыллыаҕа диэн СӨ тустаах министиэристибэ иһитиннэрэр.

Чат-бот көмөтүнэн өрөспүүбүлүкэ олохтоохторо уу киртийиитин, ньиэп тохтуутун, сокуоннайа суох бултааһыны, адьырҕа кыыллар нэһилиэннньэҕэ кутталы үөскэтиилэрин уонна сокуоннайа суох маһы кэрдии туһунан иһитиннэриини ыытыахтарын сөбүн бэлиэтиир тоҕоостоох.

Министиэристибэ чат-бота өрөспүүбүлүкэҕэ айылҕа харыстабылын сокуонун кэһиилэригэр сыһыаннаах дьон суруктарын уонна матырыйааллары түргэнник ылар сыаллаах оҥоһуллубут.

Иһитиннэриини маннык аадырыһынан Телеграмм-бокка ыытыахха сөп: @minecologii_sakha_bot