Саха сириттэн -50 кыраадыс тымныыттан тиийбит “Саха”НКИХ ыытааччыта Олег Колесов-Талбан бастаан киинэ туһунан эттэ, онтон байыаннай кэрэспэдьиэн быһыытынан ыйытта.
“2026 сыл Арассыыйа норуоттарын сомоҕолоһууларын сылынан биллэриллибитэ. Сорохтор “биһиги – нууччаларбыт, биһигинниин Айыы Таҥара баар”, — диэн шевроннаахтар. Путин Арассыыйа норуоттарын сылыгар ханнык шеврону кэтиэ этэй? – диэн ыйытта.
Талбан ыйытыытыгар Владимир Путин бэрт уһуннук хоруйдаата:
— Биһиги Арассыыйа норуоттарын култуураларын бэлиитикэтин өйүүбүт. Бу оскуолаларга. СМИ-гэ, литэрэтиирэҕэ ыытыллар. Саха сиригэр эмиэ. Саха норуота олус талааннаах. Саха сирэ олох үчүгэйдик сайдар. Аан дойду да үрдүнэн киһи нэһиилэ булар байыастарын биэрэр. Биһиги уопсай сыаннастаахпыт. РФ бары норуоттарыгар. Үгэс буолбут сыаннастар. Биһиги Северскэй куораты ылыы туһунан кэпсэттибит. Ол кэнниттэн хамандыыры кытта кэпсэттим. Кини миэхэ этэр: “Мин манна баарбын, оттон мин табаарыһым, атын биригээдэ хамандыыра – онно. Кини миигиттэн туох да итэҕэһэ суох. Дагестанец, буойун, Арассыыйа патриота. Мин этэбин: “Хайдах бары манна буолуохтарай? Ким эмэ онно хаалыахтаах. Киниэхэ, дьэ, эрийиэххэ диэтим. Кинилиин кэпсэттим. Онтон туруупканы хамандыырга биэрдим, онно кини этэр: “Привет, быраат!”. Маннык балаһыанньаҕа бу олус күндү тыл. Дьэ, манна РФ норуоттарын сомоҕолоһуулара көстөр.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…