Хаартыска: Петра Давиддович тиксэриитэ
Үөһээ Бүлүү улууһун Тамалакаан сэлиэнньэтэ баай устуоруйалаах, туруу үлэһит дьонноох, аатырбыт спортсменнардаах.
Саха сиригэр сүүрүүк Сардаана Трофимованы уонна тустуук Айаал Лазаревы, аан дойдуга аатырбыт спортсменнары, билбэт киһи суоҕа буолуо. Кинилэр иккиэн Үөһээ Бүлүү Тамалакааныттан төрүттээхтэр, иккиэн Кыргызтан национальнай сүүмэрдэммит хамаандатын састаабыгар киирэн, Парижка ыытыллар сайыҥҥы олимпиадаҕа кыттар кыахтаннылар.
Онон сибээстээн Тамалакаан олохтоохторо биир дойдулаахтарыгар Сардаана Трофимоваҕа уонна Айаал Лазаревка анаан стела туруордулар. Сардаана олимпиадаҕа кыттарын саха дьоно өр да кэтэспиттэрэ. Кыргызтар кыыспытыгар маннык түгэни биэрбиттэриттэн биһиги олус үөрбүппүт.
Олимпиада саҕаланара кылгас кэм хаалла, онон тамалакааттар аатырбыт спортсменнарын өйөөн, чиэстээн кинилэргэ анаан стела туруордулар. Сардаана Трофимова өссө 2015 с. Олимпиадаҕа кыттыахтаах этэ, ол эрээри Арассыыйа сүүмэрдэммит хамаандата туоратыллан, хааччахтаммыт бөлөххө киирбэккэ хаалбыта.
Санатан эттэххэ, сайыҥҥы Олимпийскай оонньуулар Франция Париж куоратыгар от ыйын 26 күнүттэн атырдьах ыйын 11 күнүгэр диэри ыытыллыахтара.
Успуорт уопсастыбаннаһа ХХ үйэ улуу тириэньэрэ Дмитрий Коркин аатынан норуоттар икки ардыларынааҕы турнир иннинэ үтүө…
Алтынньы 15 күнүгэр Арктикатааҕы култуура уонна ускуустуба судаарыстыбаннай института “АГИКИ креативнай индустрияҕа аччыгый академията” бырайыагынан…
Бүгүн Чурапчы нэһилиэгэр "Спортивнай" ТОС-ка 10 пусковой гаас пууна үөрүүлээх быһыыга-майгыга аһылынна. 2024 сылга саҕаламмыт…
Саха сирин тутууга миниистирэ Виктор Романов Мэҥэ Хаҥалас улууһун Аллараа Бэстээх бөһүөлэгэр култуура саҥа эбийиэгин…
Дьокуускай куоракка полиция үлэһиттэрэ суумкаттан харчы уорбутттарын арыйдылар диэн ИДьМ пресс-сулууспата иһитиннэрэр. Арассыыйа Ис Дьыалаҕа…
Бу күннэргэ өрөспүүбүлүкэ баһылыга Айсен Николаев Дьокуускай куорат киин болуоссатын – Ленин болуоссатын икки чааска…