Салгыы
Тамалакааҥҥа «Сааскы ат күрэҕэ» ыытылынна

Тамалакааҥҥа «Сааскы ат күрэҕэ» ыытылынна

Ааптар:
16.04.2023, 10:30
Никита Васильев хаартыската
Бөлөххө киир:

Бэҕэһээ Үөһээ Бүлүү улууһун Тамалакаан нэһилиэгэр Саха Өрөспүүбүлүкэтин тыатын хаһаайыстыбатын туйгуна,
элбэх Грант хаһаайына, саҥаны, кэскиллээҕи киллэрсибит «Барча» КФХ салайааччыта, «Эрэл» ТХПК бэрэссэдээтэлэ Семен Барчахов сырдык кэриэһигэр олохтоох сылгылары тургутууга «Сааскы ат күрэҕэ» олус сэргэхтик ыытылынна.

Семен Иванович өссө тыыннааҕар олохтоох сылгыһыттары түмэн, араас кыһалҕаны, боппуруоһу биир сүбэнэн быһаараары түмсүү тэрийбитэ. Ону доҕордорун, атастарын кэриэстээн, Тамалакаан сылгыһыттара түмсүүлэрин кини аатынан ааттаабыттар. Ол курдук, күрэххэ Тамалакаан сылгыһыттара бэйэлэрин 30-ча  сылгыларын киллэрдилэр.

Күрэх «Сайылык баһа» диэн Тамалакаан ытык сиригэр буолла. Семен аҕата Иван Михайлович уолум кэриэһигэр аан маҥнайгы күрэх ыытыллар диэн долгуйан, тэрээһин ыытыллар сирин хаарын күртэрэн, эрдэ бэлэмнэппитэ уонна күрэҕи тэҥҥэ сүүрэ сылдьан тэрийистэ.

Барыл быһыытынан  эрдэ ханнык да күрэххэ кыттыбатах, Тамалакаан көлүүр аттара кытыннылар.

Ол курдук, ат сүүрдүүгэ олохтоох Тамалакаан эрэ сылгыһыттара кытыннылар. Сүүрүү 3 дистанциянан ыытылынна. 19 ат сүүрдэ.

Манна 800 м. жокей Арылхан С. Пахомов О.Е. атын сүүрдэн, бастакы  миэстэ буолла. Жокей Егоров Виктор Егоров А. атынан иккис миэстэ буолла. Үһүс бочуоттаах миэстэ — Третьяков В.Е. сылгыта, жокей Федотов А.С.

1200 м. Бастакы  миэстэ — Руфов А.А. Көрдөрүүтэ — 2:15:24.
Иккис  миэстэ — Фёдоров Р.С. 2:16:92.
Киниттэн кыл мүччү хаалан, Семенов С.С. үһүс миэстэ буолла.

Тыҥааһыннаах 1600 сүүрдүүгэ бастакы Сүүтүк, Саввинов А.С. ата, жокей Арылхан. Иккис  Николаев М.В. сылгыта, жокей Ларионов Дима. Үһүс Монгол, Саввинов А.С. ата, жокей Виктор Егоров.

Айаас соноҕоһу айааһыыр күрэххэ олохтоохтор, ыаллыы сытар Харбалаах, Ороһу, Балаҕаннах уонна Боотулуу, Хоро сылгыһыттара кытыннылар. Бу күрэххэ 7 хамаанда кытынна.

Манна айааһааһыҥҥа үрдүкү сатабылы көрдөрбүтүн иһин Боотулуу хамаандата Супер бирииһинэн наҕараадаланна. Боотулуу баһылыга Петр Анатольевич бэйэтэ айааһаабыта холобур буолла.

Айааһааһыҥҥа бастакы миэстэ «Эрэл» Терентьев Е.Г.  Иккис миэстэ «Маатыка» Готовцев П.Г.  Үһүс миэстэ «Ураанньык» Федотов А.С хамаандалара буоллулар.

«Сааскы ат күрэҕэр» СӨ «Саха сүөһүтэ» генофонда хааһына тэрилтэтиттэн зоотехник, Семен Иванович чугас доҕоро Горохов Егор Павлович ыалдьыттаата. Ону сэргэ Семен Иванович доҕотторо, кылааһынньыктара, дьоно, биир дойдулаахтара тэрээһини өйөөн, бирииһинэн кыттыстылар.

Күрэхтэн дьон бары астынна. Тэрийээччилэр инникитин СЕМЕН ИВАНОВИЧ БАРЧАХОВ сырдык кэриэһигэр «Сааскы ат күрэҕин» үгэскэ кубулутардыы, таһымын үрдэтэрдии былааннаатылар.

Үөһээ Бүлүү улууһун пресс-сулууспата

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
3 октября
  • 5°C
  • Ощущается: 2°Влажность: 87% Скорость ветра: 3 м/с

Сообщить об опечатке

Текст, который будет отправлен нашим редакторам: