Хаартыскаҕа ааптар түһэриилэрэ
Бүгүн СӨ ситэриилээх былааһын ааспыт сыллааҕы үлэтин түмүгүн отчуоттуур бөлөҕө Үөһээ Бүлүү улууһун Тамалакаан нэһилиэгэр үлэлээтэ.
Бырабыыталыстыба Үөһээ Бүлүү улууһугар үлэлиир бастакы бөлөҕүн салайаааччыта, экэниэмикэ миниистирэ Петр Попов ааспыт 2024 с. үлэтин ситиһиитин туһунан кэпсээтэ. Улуу Кыайыы 80 сыллаах үбүлүөйдээх мэтээлин нэһилиэк ытык кырдьаҕастарыгар, тыыл бэтэрээннэригэр Анастасия Николаеваҕа уонна Варвара Руфоваҕа Ил Дархан Айсен Николаев аатытан үбүлүөйдээх Улуу Кыайыы 80 сылынан мэтээллэри туттарда. Ону тэҥэ үөрэҕирии эйгэтигэр үтүөлэрин уонна үтүө суобастаах үлэтин иһин, Тамалакаан орто оскуолатын технологияҕа учууталыгар Федор Ивановка Бочуотунай грамота туттарда.
Салгыы былырыын олохтоохтор туруорсубут боппуруостара ырытылынна. Үөһээ Бүлүү улууһун үрдүнэн уопсайа 170 туруорсуу боротокуолга киирбит, онтон 54-дэ туолбут, 66-та быһаарылла сылдьар. Ол иһигэр Тамалакаан олохтоохторо 9 боппуруоһу туруорбуттар.
Бастатан туран, эмтиэкэни аһан эминэн хааччыйыы наадатын, «Госуслуги» порталынан тииһи оҥотторууга сатаан суруйтарбаттарын эппиттэрэ. Бу боппуруостар быһаарыллыбыттар. Эмтиэкэ аһыллан сөптөөх эминэн хааччыллыбыттар. Оттон тиис оҥороочу быраастар улуус кииниттэн кэлэн сылга биирдэ оҥорор буолбуттар.
Биир кыһалҕалаах боппуруоһунан Тамалакаан — Ороһу икки ардыгар федеральнай суолга видеокамераны туруорсубуттара. Билиҥҥитэ Ороһуга туруоруллубут, Тамалакааҥҥа быһаарылла сылдьар.
Олохтоохтор биир сүрүн туруорсууларынан улуус киинигэр айанныырга эриэйсэбэй оптуобуһу көрүү буолбута. Өрөспүүбүлүкэҕэ кэлбит оптуобустартан тыырыллан, Үөһээ Бүлүүгэ үс оптуобус бэриллэн, билигин сүүрэ сылдьаллар.
Былырыын ууну ыраастыыр ыстаансыйаны туруорсубуттара.
Чинчийэр үлэ оҥоһуллубут Уолба күөлэ уонна Күргэлээх үрэҕэр тимир уонна атын да химическэй эттиктэрэ элбэҕинэн, блочно-модульнай ырастыыр ыстаансыйаны туттарарга туруорсаллар.
Отчуот кэннэ бөлөх салайааччыта, экэниэмиккэ миниистирэ Пер Попов биирдиилээн дьону кытары көрүстэ.
Ыал буолбуттара 20, 30, 40, 50 сыл буолбут диэн сонуну бары сэргии, үөрэ-көтө истээччибит. Олортон…
Сэрии иннинээҕи, ол саҕанааҕы уонна кэннинээҕи кыһалҕалаах дьылларга саха тыатын сиригэр сырдыгы сахпыт, дьоҥҥо өй-санаа…
Бүгүҥҥү дьоруойбут хорсун быһыыта атыттарга холобур буолуон сөп. Кини хорсун быһыылара саамай уустук да кэмҥэ…
Муус устар 1 күнүттэн бэс ыйын 30 күнүгэр диэри электроннай сэрэбиэйгэ сайаапканы хомуйан саҕалаатылар. Бу…
Биһиги иэспит – дьоҥҥо-сэргэҕэ Иван Горнай үтүө аатын үйэтитии, үтүөҕэ-кэрэҕэ тардыһыыны иҥэрии уонна сиэр-майгы идеяларын…
Кулуттааһын диэн тылы иһиттэхпитинэ, былыргы үйэтээҕи кэми саныыбыт. Ол эрээри аныгы да үйэҕэ оннукка түбэспит…