Тамара Павлова: «Саалаахтан самнымаҥ!»

“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.

Куонкуруспут 44-с кыттааччыта Дьокуускай Владимировкатыттан Павлова Тамара Ивановна:

Саалаахтан самнымаҥ!

Ыраас халлаан үөһүттэн

Уот садарах дапсыйда,

Сэрии уота сириэдийэн

Дьон-эргэ айманна….

Атаарабыт харах уулаах

Алгыс тылынан арчылаан,

Уоттаах сэрии хонуутугар

Саха ньургун уолаттарын….

Бар дьоҥҥут туһугар

Дойдугут аатыгар,

Биир сомоҕо буолан

Өстөөх үөрүн самнаран,

Кыайыы өрөгөй былааҕын

Күөрэччи тутаарыҥ!

Төрөөбүт алааскытыгар

Эргиллэн кэлээриҥ!

Уол кыыска долгуйан

Тапталга билиниэ…

Чуумпуга куустаран

Күөх сирэм чэлгийиэ….