«Тамма» ресурснай резервакка – «Күөх чэппиэр»

Экологическай куттал суох буолуутун уонна айылҕа баайын харыстыыр сыаллаах Мэҥэ Хаҥалас улууһун «Тамма»  ураты харыстанар сиригэр судаарыстыбаннай иниспиэктэрдэр уонна экологическай кэтэбил иниспиэктэрдэрэ сэрэтэр тэрээһиннэри ыыттылар.

Хас чэппиэр аайы «Күөх чэппиэр» аахсыйанан айылҕаны, тулалыыр эйгэни ыраастааһын, чэбдигирии үлэтэ ыытыллар. Тэрээһин кэмигэр судаарыстыбаннай иниспиэктэрдэр нэһилиэнньэ ортотугар быһаарар-өйдөтөр үлэни ыыталлар.

Чуолаан бу сырыыга ходуһаҕа оттуу сылдьар дьону кытары тыаҕа баһаар тахсар куттала суох буолуутун быраабылаларын тутуһуу туһунан кэпсэттилэр.

Иниспиэктэрдэр тыаҕа көрсүбүт дьонноругар ойуурга уоту оттууга сэрэхтээх буолары санатар иһитиннэрэр-биллэрэр лиистэри тарҕаттылар диэн СӨ Биологическай ресурсарга, ураты харыстанар сирдэргэ уонна айылҕа пааркаларын дириэксийэтэ иһитиннэрэр.