Таҥас-сап атыылыыбын диэн албыннаабыт

Дьокуускай куоракка оперативниктар таҥаһы-сабы атыылыыр туһунан  сымыйа биллэриини таһааран түөкүннээһиҥҥэ уорбаланар киһини туттулар. 

Ол курдук Дьокуускай куоракка полиция отделыгар интэриниэккэ табаары атыылаһаары түөкүннээһиҥҥэ түбэспит киһиттэн сайабылыанньа киирбит.  Суһал-ирдиир үлэ кэмигэр полиция 4 нүөмэрдээх отделын үлэһиттэрэ  24 саастаах уорбаланааччыны туппуттар.

Барыллааһын быһыытынан, түөкүн араас таҥаһы, ол иһигэр атах таҥаһын атыылыыбын диэн биллэриини интэриниэккэ таһаарбыт. Аны ол табаара олох да суох эбит. Туһааннаах биллэриини эмсэҕэлээччи көрөн уорбаланааччыны кытта сибээстэспит  уонна 14 тыһ. солк. ыыппыт. Харчы ыыппытын кэннэ түөкүн сүтэн хаалбыт, тугу да суруйбат буолбут.

Билигин эр киһиэхэ РФ Холуобунай кодексын 159 ыст. 2 ч. холуобунай дьыала көбүтүллүбүт.