Таҥас сууйар массыынаны сойбоппут

Бу күннэргэ Дьокуускайдааҕы полиция 1-кы нүөмэрдээх отделыгар таҥас сууйар массыынатын уордарбыт дьахтартан сайабылыанньа киирдэ.

Дьахтар кыбартыыратын уһун болдьоххо куортамҥа биэрэр эбит. Биирдэ дьиэтин бэрэбиэркэлии кэлбитэ, 16 тыһ. солк. суумалаах таҥас сууйар массыыната суох эбит.

Суһал-ирдиир үлэ кэмигэр холуобунай ирдэбил үлэһиттэрэ уорбаланааччыны  ким буоларын быһаарбыттар. Ол курдук дьиэни куортамнаан олоро сылдьыбыт 41 саастаах, урут сууттана сылдьыбыт  эр киһи таҥас сууйар массыынаны уоран ылбыт уонна комиссионнай маҕаһыыҥҥа туттарбыт. Атыылаабыт харчытынан арыгы уонна аһылык ылбыт.

Билигин эр киһиэхэ РФ Холуобунай кодексын 158 ыст. 2 чааһынан холуобунай дьыала көбүтүллүбүт.