Мархаҕа таҥас сууйар массыынаттан дьиэ умайда

Олунньу 19 күнүгэр сарсыарда 05:49 чааска Дьокуускай куорат баһаарынай-быыһыыр сулууспатыгар Мархаҕа Яков Петерс аатынан уулуссаҕа 2 этээстээх дьиэ умайбытын туһунан тыллаабыттар.

Быһылаан тахсыбыт сиригэр бааһарынайдар биэс мүнүүтэнэн тиийбиттэр. Баһаар түмүгэр эмсэҕэлээбит дьон суох, таҥас сууйар массыына уонна куухуньа 0,9 кв.м. иэнэ уокка былдьаммыт. Баһаар төрүөтэ, буруйдаахтар уонна хоромньу быһаарыллар.

Уоту умуруорууга 61 баһаарынай уонна 12 тиэхиникэ тардыллыбыт, диэн ЫБММ пресс-сулууспата суруар.