Таҥаска ымсыыран

1 №-дээх полиция отделыгар сайабылыанньа киирбит. Дьокуускайга Чернышевскай уулуссатыгар баар таҥас маҕаһыынын бэрэстэбиитэлиттэн. Уопсай хоромньу аҕыс тыһ.тахса солк. буолбут.

Суһал-ирдиир үлэ түмүгүнэн холуобунай ирдэбил үлэһиттэрэ 20 саастаах эдэр киһи буоларын быһаарбыттар.

Биллибитинэн, уорбаланааччы спортивнай табаары атыылыыр маҕаһыыҥҥа атыылаһаары гыммыт киһи курдук киирбит. Таҥастар ыйанан турар сирдэриттэн сэлиэччик уонна икки паара бүрүүкэ ылбыт. Таҥаһы кэтэн көрөр сиргэ барбыт уонна бу ылбыт таҥастарын кэтэн кэбиспит. Кинини ким да кэтээн көрбөтүн билэн баран, каассаны ааһа көтөн, атыы-тутуу сириттэн тахсан барбыт.

РФ ХК 158 ыст. 1 ч. («Уоруу») холуобунай дьыала тэриллибит.

Бу туһунан СӨ ИДьМ пресс-сулууспата суруйар.