Тандалар байыастарга харысхаллары оҥордулар

Уус Алдан улууһугар Танда бибилэтиэкэтигэр дьон-сэргэ тоҕуоруста.

Бу күн манна РФ Үлэ Дьоруойа М.Готовцев аатынан оскуола үөрэнээччилэрэ, Улита Заболоцкая салайааччылаах дьахталлар түмсүүлэрэ, нэһилиэк олохтоохторо түмсэннэр байыастарга анаан буҕарааскайдаах, үөрэ оттоох, туостаах, кыллаах, харысхаллаах баһыылкалары бэлэмнээтилэр. Бу барыта байыаннай дьайыыга сылдьар дойдулаахтарбытыгар ананна.

Ону сэргэ, олохтоох түмэл кэлэктиибин кытта кыттыһан «Ускуустуба эйгэтэ» диэн уруок ыытылынна.

Лена Софронова,

Танда, Уус Алдан.

Ааптар хаартыскаҕа түһэриитэ.